Sámen 1

8-9 / 64

8 Sámen 1/2014 Sámen 1/2014 9
Gidá
Gidá máhtij boahtet árrat, ja de javllin dán jage le
árra gidá. Såjtij dat árra gidá huoman tjoaskes ja de
javllin dán jage lij de galla galsja gidá. Ij åvvå riek­
ta biválda ja rahttá ij rat åvvå vuojnnu. Jus rahttá ij
sjatta, majt de slihtura galggi guohtot gå dajt ålgus
luojttá.
Gidán lij giettijt rájnnit. Lehkus galsja vaj buorre gi­
dá. Bievllá gåjt edesik. Jus vehik bivált, de soage­
durkuma spierkki ja soage de ruonudahtji. Javllin
soagelasta li degu snjierábielje.
Ja de la giettijt rájnnit. Skiello giedan vádtset ja
tjoagget spáhkojt ja gierggijt ma soajtti boahtám
gæddáj dálvenalluj. Biegga vanj båsoj garrasijt dál­
vijt ja juojddá dat buvtij maŋen mij ij dåhkkim giet­
ten gå galggin sláddjit. Gådij birra lij ienemus,
spáhkko ja ruhke ietján.
Gidá – hágav oaggot ja muhte-
ma rávdojtbivddet
Guolle ja berun dat lij biebbmo. Ja gå gidá
bådij, de lij hiebalgis ájgge hágajt oaggot.
Dakkár sadje nuoren, viehka tjiegŋalin,
gånnå lij háhka, dav gåttjun háhkama­
den. Háhkamaden lidjin merka, sivtos­
timmerka gátten. Guokta sivtostimmerka
maj milta vantsav biedjat gånnå galggá
gårvvot.
Háhka bårrå. Ållo buojdes háhka vant­
san. Ja de gáddáj ja málestit varás hágav
ja hága muljov. Sáhpev ierijt, tjålijt rán­
jnit ja nav rujttaj. Hágamuljo le dat iesj,
vuoj man njálgge. Ållu habmo bårråt, be­
runav guoran. Ja de hávvarjuptsav dæd­
dan.
Vuollen fiervvágáttijt juo lij de bievlla.
Várijt lij ánj muohta, valla viehka sud­
dam. Javrijn lij ánj jiegŋa mij ulmutjav
guottij. Jávrijn lij rávddo majt bivddin
vuokkajn, sliddjavuokkajn mij vuojoj.
Tjuovkábådnen gånnå guolle vuojnnuj.
Oaggot gånnå jieŋan rájgge, hillagåb­
me. Gånnå ællim rájge, de dajda guod­
din giergijt majt biejvve lieggij. Gierge de
dahkin rájgijt ietjá bæjvváj gå vat båhtin
åkkutjit.
Gidá – rahttá ja buve "frámfødda"
Gå rahttá sjattaj vaj buve ietja gávnnin majt guoh­
tu, de lij dajt luojttet gæddáj. Gátbællánj biejvebie­
len mij le nuortasjbielle Hælmåvvån, de sjattaj ruv­
va rahttá, ruoddnis rásse. Ja dåhku de vuojedit ja­
li suvddet hábrrájt vaj dåppen guohtu, sjaddi ja
buojddu. Gihtse aj galggin gátbællajda. Gajtsa val
hæhttujin sijdan gå dajt galggá båhtjet. Sávtsa vas
várijda vuojeduvvat gånnå buorre rásse ja gånnå
lippa sjaddi stuoraga.
Gusá gietten guhkebuv. Valla gå de ienep rásse je­
raj ålgusjbielen, de gusájt rádjat giettes vaj gietten
ráse sjaddagåhti majt galggá sláddjit. Gå biváldij,
de gusájt giessefievsijda gånnå dajt idedis båhtjet
åvdås ålgus luojttá.
Beruna galggi ruohttsot ja
sáddjiduvvat
Juohkka sijdan, juohkka årudak galgaj
allasis berunijt sáddjit. Gidán viedtjat
sádjoberunijt tjælláris ja biedjat ruohtsut­
jit kássaj sisi – javllin vaj ruodara sjad­
di. E val vuojga guhkaga galga sjaddat de
doaddjuji sádjidahttijn. Sáddjimájgge lij
moarmesmáno ållu maŋŋegietjen gånnå
gåjkke ednam. Gånnå lij læŋgás ja luvva
ednam, de ij sádjit åvddåla biehtsemáno
vuostasj váhko. Dalloj juo lij de gidá­
giesse.
Gidá gå jåhttelåtte båh­
tali duola dagu tsagán
ietjas ruoppsis juolgij
guovtes ja guovtes ma
juo åhtsåba sajev fierv­
vágátten gånnå månnit
ja lállet. Tjierrega mån­
niji já lálli Tjierreknjár­
gan ja Måskesuollun.
Rihtjusælldát ja validi jus
boadá sijá biesij ilá lah­
ka ja davega huvkadi gå
háledi. Dålusj ulmutja
javllin dat huvkat «gat­
sa rávtsav, gatsa rávtsav,
gatsa rávtsav»
Måske kádja. Gidá. Sájdde badjánam Tjájne gaskan.
Sájddenuohtev giessi vanntsaj.