Sámen 1

42-43 / 64

42 Sámen 1/2014 Sámen 1/2014 43
Dåppe lidjin juohkkalágásj gálvo, valla mån diedon
sierraláhkáj gæhttjiv sliehpájt. Vuostak majt ájttsiv
lij, sliehpá lidjin nav moattelágátjá, unnep ja stuorá­
bu, binná ja edna hervaj, daddnidum, njalodum,
moattelágásj bájnoj, moattelágásj tyddjas, moatte­
lágásj herva. Mån gåjt de alvaduvviv, mån ittjiv
diehtám sliehpá máhttin nav moattelágátja. Ja nav
ávvusiv, de ham de mij aj máhttep goarrot sliehpájt
moatteláhkáj.
Sliehppá le gåk nammadum nieljetjiegak biehkke
gåsi le tjiebet njadedum, tjiebedin li moadda smáv­
va bæhkátja goarodum aktij ja åvdebut lij álu sålb­
be sliehpán gåsi tsåggin bursav, bijpav, såhkkårav
ja ietján mij lij dárbbo fáron adnet. Divnajn lidjin
sliehppá, merrasámijn aj, máhtij liehket jur juohki­
rik tyddjabiehkke hervadagi, njalodum, daddnidum
jali bintsarduvvam juohkirik láhkáj jnv.
Muv ráddna máhtsaj sijddaj Stockholmas ja mån
de vuolggiv Osloj. Lidjiv juo åvddål gå båhtiv Norsk
Folkemuseaj listav sáddim majt sihtiv gæhttjat,
ittjivmån danna besa sijá vuorkájda. Oadtjuv jur
gæhttjat dajt duojijt majt lidjiv åhtsåm.
Gå båhtiv ruopptot Árranij de dahkiv seminárav
sliehpáj birra ja vuosediv gåvåjt majt lijma válldám
Stockholman ja aj Oslon. Subtsastiv gåktu lidjiv
alvaduvvam ja muv ávo birra gå vuojnniv man
moatteláhkáj sliehpa lidjin goaroduvvam. Seminá­
ran mij ságastijma aj dan birra, ja akta oasseválldijs
javlaj dát lågådallam lij buoremus lågådallam duo­
je birra majt sån lij gullam. Mån jáhkáv dat lij da­
nen gå vuojnijma nav stuorra friddjavuohta le gåktu
sliehpájt dåhkki goarrot, ja dan baktu åtsådalájma
stuorra friddjavuohta le duojen.
Ælla rájá nav divtuga oarjjelsámij, nuorttasámij, ju­
levsámij, merrasámij ja lullesámij gaskan, ja ij ga
dárogielagij gaskan. Mij viessop aktan ja oadtjop
ájádusájt nubbe nuppes. Mij lip dålutjis bájnnum
dassta mij lij mijá láhkusin. Duodje le agev manna­
min åvddån, valla huoman le ájnas oahppat vuo­
dov duojen vaj diedá massta vuolgá, jus dagá duo­
jev ietjatoajve milta.
Mij gájka máhttep gæhttjat gåktu ietjama berraha
li duodjuham. Diedáv muhtemijn ælla nav ållo duo­
je, valla dåhkki snivva gæhttjat gåvåjt ja jus gávn­
nu nágin vuorasap ulmusj gut máhttá giehttot de
le ham dat ållu buorre. Dárojduhttem le nav garra­
sit válldám mijá guovlov, valla sávav mij válldep
▲Dát ålmmåjsliehppá le goarodummasjijnajn hullotyddjas, ij
la ruvdda ja ij ga bieddjis sassne. Nordiska musean.
allasimmedav valjesvuodav mij gávnnu duojen, ja
ávojnbarggap åvddålijguovlluj.
Vuosedav dánna muhtemijt dajs sliehpájs majt
vuojnijma, diedáv gávnnuji ulmutjij gaskan nav
tjáhpa sliehpá, ja sidáv dajt ietjá bále vuosedit
juohkirikláhkáj.
⊲ søk brystklede
⊲ søk barmkläd
⊳ Guokta nissunij sliehpá, gåro bielen gájraksliehppá
gånnå sijdo aj máhtti alega. Rievtes bielen njallom­
sliehppá måttijn smávva biehkij tjiebedin. Goappátjijn
ruvdda badjebuddasin. Gåvvidum Nordiska Musean.
▲ Njallomsliehppá, nissunij. Ruodná mij la tjiebeda vuolle­
gietjen le masjijnajn goarodum. Nordiska Musean.
▲ Ålmåj njalodum sliehppá. Badjebuttas le ruvdas, ja
ruoppsis ruvdda tjiebeda vuollegietjen le masjijnajn
goarodum. Nordiska Musean.