40-41 / 64
40 Sámen 1/2014
Sámen 1/2014
41
Juoga
sliehpáj
birra
G
å mån barggiv Árranin Ájluovtan duodje
bagádallen de sihtiv mannat gæhttjamin
duojijt dávvervuorkájn ietjá sajijn. Sihtiv
sierraláhkáj sliehpájt gæhttjat. Sliehppá le nielje
tjiegak biehkke gånnå l tjiebet, ja aneduvvá gápten
åtsån. Oajvvebájnno le alek ålmmåjda ja ruoppsat
nissunijda.
Manniv vuostak Nordiska museaj Stockholman ja
danna oadtjuv mannat sijá sierralágásj vuorkkáj
gånnå vuorkudin dajt majt sij etjin dábálattjat vuo
sádusájn vuoseda. Mujna lij ráddna fáron gut munji
viehkken gåvvij.
Måj manájma tågajn Narvijkas, ja hávsske gå rádd
na lij maŋen, ságastijma duon dán birra ja mujtta
lijma dålutjis. Vuojná iv la mån desti ållu nuorra
ja mujtáv duov dáv. Gæhttjaliv mujttet duojij birra,
ittjivde heva mujte sliehpáj birra, valla mujttiv gåjt
vuostasj káffavuossav gårruv gå lidjiv gietjav jagák,
ja mujttiv muv áhkko ja æddnám álu duodjuhijga.
Måj de bådijma Stockholmmaj ja manájmá njuolgga
Nordiska museaj ja danna iejvvijma suv gut lij loa
bedam munnuv doalvvot dan sierralágásj vuorkkáj
stáda ålggolin. Hávskke lij suv ságajdahttet danen
gå diedij åvvå ålov duojij birra. Måj lijma gijttevasj
dat viehkes majt oattjojma.
▲
Ålmåjsliehppá, njallomsliehppá sierralágásj bælljasij.
Gåvvidum Nordiska Musean.
▲
Nissunij njallomsliehppá binná danijn, ja ruvdda badje
gietjen mij lij dábálasj åvddåla. Gåvvidum Nordiska Musean.
Dan stuorra lanján lidjin moadda hilldo dávverij
duossta dássta. Mij manájma njuolgga dajda hilldoj
da gånnå sámeduoje lidjin. Galggin da julevsáme,
oarjjelsáme, nuorttasáme ja lullesáme gálvo liehket
sierra, valla ællim da. Muhttijn lij julevsámebikta
sij siegen oarjjelsáme gáhper jnv. Buorre lij jus ná
gin lij sijájt viehkedit riekta juohket duojijt iesjgeŋga
guovlluj.
Munnun lij stuorra friddjavuohta gæhttjat ja gåvvit
majt sidájma.
▲
Ålmmåjsliehppá, daddnesliehppá, gåvvidum Nordiska
Musean.
▲
Nissunij sliehppá, gájraksliehppá, sålbbe vuojnnu gåvå
vuollegietjen. Gåvvidum Nordiska Musean.
▲
Gehtja dáv sliehpáv! Nordiska Musean.
▲
Ja dáv! Nordiska Musean.
Lilian Urheim