Sámis 33

Sámis 33/2021 43 Go rumbbu časkkástaga maŋimuš skájat juraidit preriai, du čippit hedjonit, vuoiŋŋanasat lossot. Dát mátki ii leat meattá. Šerres ruoná jietna johtá du oaivvi čađa; musihkka, mii gullo ja oidno. Eai du a-molla mánnávuođa ceahkkálasat; ii áibbašeapmi dáid vuordevaš akordain. Ja de - cizáža lávlun: Vizardeaddji prerialeivvoš Amerihká niitocihci Girjjis Skyfixer. poems. Shelter Bay Publishing 2020 Jorgalan eŋgelasgielas sámegillii: Ritva Torikka GARY V ANDERSON:is lea sámi ja davviriikkalaš duogáš. Son šattai bajás Washington oassestáhtas USA:s. Su áhčči lei vuovdebargi. Gary lea eamidiinis maiddá ássan Michi- gan oassestáhtas, gos leigga mielde Davvi Great Lakes meahccevárjalanprošeavttas. Meahcci leamaš álo dehálaš Gary:i. Son lei soalddáhin Vietnam:as ja lea gillán maŋŋe­ traumáhtalaš dávddas daid vásáhusaid geažil. 2020:s almmuhii diktagirjji mas leat divttat jorgaluvvon sihke davvisámegillii, suoma-, ruoŧa- ja dárogillii. Girjji álggahusas Gary čállá ahte go lei ožžon diagnosa, de son gávnnadii dálkkodeaddjiin gii logai su divttaid ja gohčodii daid lundui gullevažžan. Dálkkodeaddji árvalii ahte Gary dutká eanet su ovdavánhemiid vuoiŋŋalašvuođa vuohkin mo dearvvasmuvvat ja beassat eret soađi bákčasiin. Su diktagirji lea duođaštus dan oahpásmuvvamis.