Sámis 33

42 Sámis 33/2021 GARY VANDERSON Almmiguvhllára beaivegirji Savkkástallama áigi. Beaivečuovgga maŋŋá, ovdal beaivváža badjáneami. Smiehtadalat jaskatvuođas, guldalat bottuid jienain ja jurdagiin. Dán holgga alde, Camp Creek ávžži bajábealde, imaštalat hoavda Josepha heasttaid, nissoniid ránuineaset. Du čalmmit čuvodit sin johtinbálgáid ja áddet, don it leat vuosttas, gii čierru dáppe. Du rumbu hállá govain govaid siste, mátkkiin mátkkiid siste, veardádusain veardádusaid siste dološ suollemasvuođaid maskeradain. Rohtte iežat luođi preria, eahketroađi, ofelaččaid ja vehkiid, eatnama vuoiŋŋaide. Čáhci, geahča maid leat dahkan. Sáva buresboahtima vuohččumii. Njama alccet gerdojuvvon duovdagiid buktagiid, áigelogu lahkoneami. Eai buot vástádusat leat vel oidnosis. Muhtimat gávdnon uvssohis, ávžžis, aiddo fal almmiravdda bajábealde.