Sámis 32

kii jorgalit báhpiriid dárogillii ja diŋgot dulkka. Ja de lea munnje šaddan nu, ahte go lean hárjánan sáme­ gillii buot bargguid čađahit, de lea meastá hástalus- san šaddan dárogillii čilget iešguđet áššiid. Na mii son dat “virgáibidjanlávdegoddi” leage dárogillii. Ja mes, “tilsettingsorgan”mas han dat leage. Ja mii bat dat oahppočuoggá lea ge. Na vuordil mat dál, “studie­ poeng” dat dat gal lea. NU LEA VÁRRA olmmoš. Dat oahppá ja muitá dan maid gánnáha muitit. Jus ii leat atnu daid sámegie- lat doahpagiidda ja mii eat geavat daid beaivválaš bargguid siste, na eat han mii daid nu beroš oahppat. Muhto go gáibiduvvo ahte sámegillii galgá doaimma- hit bargguid ja go dan haga ii boađe bálká, na de han olmmoš bidjá searaid dasa ahte dan galgá oahppat. DAT DAT LEA mii addá gillii árvvu. Muittán ahte ov- dal lávejin oalle dávjá gullat ahte “eaš. Maid bat dain- na sámegielain. Ii dainna goit olle ii Suolovuopmái ge”. Eará sániiguin ahte das ii lean árvu Guovdageain- nu suohkanrájiid olggobealde. Nu ii leat dán áiggi šat, ja dan dihte mii nu bátnegaskkii bargat dan ovdii ahte lávdegottit, áššebáhpirat ja logaldallamat gal- get doaimmahuvvot sámegillii. Go dán áiggi mii han diehtit ahte sámegiella dat gal gullo vaikko balvvaid sistege. Sámis 32/2020 53