Sámis 32

Sámis 32/2020 51 24 BEAIVVI BÁRDNI DEAIVVAI JIEHTANAS- GONAGASA JA JIEHTANASDRONNEGA NUPPI NIEIDDA. SOAI ÁLGGIIGA JOHTIT OVTTAS, ČIHKOSIS. 45 DADJÁ SON GII BÁLKE- STII VUOSTTAS GEAĐGGI. DADJÁ SON GII ÁIGU BÁLKESTIT MAŊIMUS GEAĐGGIGE. DÁL MUN OZAN BEAIVVI BÁRTNI MAŊISBOAHTTI. Vaikko mis ii leat dat sárggusráidoárbevierru go mii lea dábálaš eaŋgalasgielat riikkain ja Japa- nis, ahte bohtet sárggusráiddut smávva bláđđin juohke vahku, ja de loahpas čohkkejuvvojit ollislaš muitalussan stuorra girjin, jus lea lihkkoš ja lea vuovdán nu ollu ahte dat orru lágádusa mielas vea­ ra bidjat ruđaid dasa, go dan rievttimielde ii sáhte dahkat dáppe, ja lea dasto joavdelas sávvat ge dan, de mun livččen dattege sávvat ahte dát sárggus- ráidu livččen boahtán vuos ráidun. Juste nu mo muhtumin ii veaje albmaláhkai čuovvut tv-ráiddu Netflixas. Go rivaha geahččat olles ráiddu ovtta beaivvis danin go sii luitet buot episodaid seammá áigge, de loahpas duođaid dušše muittát ahte leat oaidnán dan ráiddu, ja ahte liikojit vuoi it, muhto it máhte gal šat muitalit mii geavai das. Juste nu lei mus dáinna sárggusráidduin. Vaikko girji ii leat juhkkojuvvon kapihttaliidda, livččii soaitit galgat leat dan: livččen hálidit lohkat guoktelot siiddu ain háválassii, ja de fertet vuordit uhcimusat vahku ovdal go bessen lohkat boahtte oasi, nu ahte dan gaskkas bázán smiehttat geasa son Issát galgá luohttit, ja lea go son diet ja diet ášši nu mo son ja son dajai, ja mo son de manná go mannan vahkus maŋemuš siiddus bláđis bođii diehtit ahte áššit eai lean nu mo son jáhkii. Ja jus vuos lei nu, de livččen fertet vuordit árv­ voštallamiin dassážii go lei áibbas gárvvis buot, ja dasto livččen mun maid geavahit measta sullii seammá guhkes áiggi das go maid girječállidáid­ dár ieš lea dahkan. Muhto lea gal buorre sihke mun­ nje ja didjiide ahte in dárbbaš sárgut árvvoštallama, vaikko dalle gal navdimis livččii šaddan bere .