Sámis / Sámen 30

Sámis 30/2019 43 dærnno dan Kullerbacka årudagán. Jus sån dernustij dåssju gå lij åtsådallam ja márnán mij aj lij biejvij maŋŋela åtsådallama jali jus sån dernustij ietján aj, dav ep mij diede. Valla ådåjakbiejve iehkedis lij gåjt de sån danna ja danna lisj de Læstadius sujna ságastallam. Milla lij gullam gå Læstadius hålaj álltáris ja vuojunagá le Milla de hálijdam ságastit sujna. Dat ságastallam sjattaj pråvsståj huj ájnas. Buoremus diehto dan birra vuojnnep suv ietjas oanegis mujtudallamis gáktsa jage maŋŋela: Dálvek 1844 båhtiv mån Åsele sámeednamij dajna gå lidjiv sjaddam girkko åtsådalle. Dánna mån iejvvijiv muhtem dakkárijt gudi gåhtjoduvvin låhkken, valla dakkár låhkkijt ma lidjin dagu lidnasappo. Daj siegen lij sámenæjttso gen namma Márijá gut munji rábáj åvvå ietjas vájmov maŋŋela gå sån lij gullam muv álttárhålav. Dan åvtågærddásasj næjtson lidjin diedo ja åtså­ dallama ármo årniga birra majt mån iv lim gullam åvvå goassak. Sån lij vájaldam guhkes gæjnojt ja åhtsåm sjævnnjadin tjuovgav. Maŋutjissaj lij sån jåvsådam pastor Brandella lusi Nora tjoaggulvisán. Ja gå sån suv åvdån lij rahpam ietjas vájmov, de lij sån tjoavddám suv luovas guoktáladdamijs. Suv baktu bådij Márijá viesso jáhkkuj. Mån de ussjoliv juhte dála le dat Márijá guhti tjåhkkåj Jesusa juolgij báldan. Ja esski dal, ussjoliv mån, esski dal mån vuojnáv gæjnov mij iellemij doalvvu. Dat le årrum tjiegadum muv tjalmij åvdån desik mån oadtjuv ságastit Máriájn. Suv åvtågærddásasj giehttom suv vájaldimij birra ja suv åtsådallamij birra manáj tjiegŋalijt muv vájmon nav vaj muv tjalmij åvdån aj tjuovgudij. Dan iehkeda gå mån tjåhkkudalliv aktan Márijájn, oadtjuv mån unnán májstatjit almmelasj ávov. Valla girkkobáhpa Åsele sámeednamin sij etjin dåbdå Márijá vájmov. Ja Márijá iesj sån aj dåbdåj juhte sij – dá báhpa – sij ællim dát mijá sávttsagoades. Mujttet galla galgav dav hæjos Márijáv nav guhkev gå viesov ja dårvustaláv suv galgav iejvvit tjuovggasap ilmen nuppen bielen jábmema ja hávdde. Læstadiusa Márijá gen duolla namma lij Milla Klemeta niejdda lij riegádam basádismánon vuostasj biejve jagen 1813. Suv mánnávuoda ja nuorravuoda ájgen lidjin sujna ållo váttesvuoda bæjválattjat ja aj vuojŋalattjat. Dalusj ájge ij lim dábálasj sáhte ålmmåjda ja nissunijda luottajt dahkat ma lidjin vuosedit viessomav nav gåktu dat lij. Valla mij guosská Milláj de såjtij suv dille årrot nav vaj suv viessom