Sámis / Sámen 30

42 Sámis 30/2019 Oddvar Andersen Millá Klemeta niejdda "Dan iehkeda gå mån tjåhkudalliv aktan Máriájn, oadtjuv mån unnán juo májstatjit almmelasj ávov. Mujttet mån galgav dav hæjos Márijáv nav guhkev gå viesov ja doajvov sujna æjvvalit tjuovggasap ilmen nuppen bielen hávde." Navti tjálij dat mihtos svieriga girkkobáhppa Lars Levi Læstadius, gáktsa jage maŋŋela gå sån lij iejvvim suv gen namma lij Márijá – jali Milla Klemeta niejdda mij lij suv oalle namma. Lars Levi Læstadiusa barggo buvtahahtij Nuortta­ rijkaj stuorámus risstalasj gåhttsåmav – læsta­ diánalasj gåhttsåm. Æjvvalibme dajna dánna nammadum oarjelsáme nissunijn sjattaj sunji allasis huj ájnas, ja dabdá ij lim læstadiánalasj gåhttsåm oadtjot sisårro hekkav ja fámov. Dat æjvvalibme mij sjattaj maŋŋela nav mihtos lij ådåjakbiejve 1844 dan bajken man namma Åsele. Gáktsa jage maŋŋela tjállá sån iesj Læstdadius dajt bágojt majt dánna juo álgon nammadam. Maŋŋela gå gåhttsåm nav ednagijt juo lij oabllum ja ájggá mannam badjela rijkarájájt. Læstadius lij mannamin sijddaj Härnösándas gånnå sån lij ållidam pastoráleksámenav. Sån lij gåhtjodum årrot dåkkir girkkobáhppa gut galgaj åtsådallat gåktu girkko risstalasjvuoda barggo lij dajn dáfojn majt gåhtjudin sámeednamin. Sån álgij dav bargov dalánagi. Vuostak bájken man namma Föllinge ja maŋŋela vas dan bájken nágin mijlla duobbelin man namma Åsele, gånnå sån álgij barggat ådåjakbiejve 1844. Læstadius jårgij åtsådallambargov sámeednamij tjoaggulvisájn. Daj gaska lidjin guhkaga dalusj ájge mannonævojt ja dan diehti sån ij jåvsådam sijddaj Gárásavvunij åvddåla gå guovvamánon dan jage. Læstadius lij årrum Härnösándan åvvå mælggadav, moadda máno. Åvdås vuolgij de lij sån sárnnedam iehkedismæsson Härnösánda duobmogirkkon. Dan sárnen ihttu juhte suv miella lij lahka daj jáhkulattjaj gejt gåhtjudin låhkken. Sij gejt låhkken gåhtjudin gullujin dalusj gåhttsåmijda ma ihttujin Oarjjelij Svierigin. Akta dajs ienemus mihtos åvddåstiddje lij Pehr Brandell gut lij pastor Nora tjoaggulvisán. Ruopptot åtsådallamij mij lij Åsele sámeednamin. Girkkohuodnaj gånnå dat lij, lej jåhkågátten dan jågå mij gålgåj årudakbájke tjadá. Nuppe bielen jågå lij årromsadje Kullerbacka mij muhttijn lij báhpasijdda ja muhttijn guossegoahte. Læstadius åroj de danna madin lij dåppen åtsådallamin. Dálvijt lij álgge rastedit jågåv jieŋa nanna. Giehtoj milta galggá Milla Klemeta niejdda årrum