Sámis / Sámen 30

Sámis 30/2019 41 AIMO AIKIO Dovreduoddara stuorra bussá DALÁN DAN MAŊŊÁ álge stálut bahkket dállui ja gal- han dat ledjege olu ja romi. Stálut álge dalán borrat ja leaihcidit buot daid juovlabiepmuid. Go stáluin eai lea albma boradandábit, de olu biepmuin dušše bili- duvvui ja láhttái dulbmojuvvui. Muhtun uhca stállu fuomášii guovžža, mii goarjjadii uvnna guoras. Stállu bidjalii márffi bassemuora geahčái ja sluvggašii dan guovžža njune vuoldi ja huikkádii hárdin lahkai alla jie­ nain “Háliidago bussáš márffi?” Guovža ii dan gierdan, dat suhtái ja njuikii guovtti juolggi ala, rogádii ja jágii visot daid stáluid olgoráigge. Stálut válain ja huikkasiin viehkaledje báhtui duoddarii. MAŊŊELIS DÁLU VEAHKA bođii várrugasat ruoktot ja oidne ahte stálut leat mannan. Sii čorgejedje dálu ja sáhtte ieža álgit ávvudit juovllaid. Iđedis almmái jotkkii mátki guovžžainis ja doalvvui dan skeaŋkan gonagassii. MAŊIT JAGI OVDALAŠ juovllaid Anders lei muorai čuohppamin juovlabasiid áigái. Morašmielain son jurddašii ahte várra stálut vuot bohtet ráfehuhttit su bearraša juovllaid áigge. Son lei njáskamin muora go okta stállu guovlala muora duohken ja jearrá: ”Ain go dus lea dat stuorra vilges bussá?” Anders vástidii: ”De lea. Ja dieđát go das lea čieža čivgga ja dat lea šaddan ain stuorábun go ieš lea ja dat čivggat leat oalle bahá- nihkkánat. ”Stálus jorbbodedje čalmmit ja dajai: ”Nu go, dalle mii gal eat šat boađe du galledit juovllaid áigge”. Stállu viehkalii olles leavttuin duoddarii. Ja stá- lu sánit ledje doallevaččat; stálut eai šat dan maŋŋá boahtán Anders bearraša dállui borrat juovlaherskuid ja Andersa bearaš beasai ráfis ávvudit juovllaid, sii ožžo juovlaráfi. ALMMÁI LEI JOHTIMEN mearragátti duoddariid, go gávnnai vilges guovžžačivgga. Dat lei báhcán okto, lei nelgon ja váiban. Almmái válddii guovžžačivgga fárrui ja biepmai dán. Nu čivga fámuiduvai ja šattai. Guovža lei oalle lodji, stuorui ja lei jo masá ollesšattot. Muhtumin almmái jurdilii ahte son addá vilges guovž­ ža Danmarkku gonagassii skeaŋkan. Nu son vulggii johtui ja láidii lávžžiin guovžža. Dovreduoddaris jođe­ dettin son bođii eahketveaigin ovtta dálu lusa ja jea­ rai dálu isidis Andersis idjasaji. Deaivvai leat juovla­ ruohtta. Almmái navddii ahte dalle goit eai biehttal idjasaji addimis, go juovllaid áigge lea buot olbmuin buorredáhtolašvuohta. Muhto dáluisit Anders dajai: ”Dađe bahát mun in sáhte dál lohpidit dutnje idjasaji. Dat lea oainnat nu, ahte go mii leat ordnen juovla- biepmuid bevddiid ala, de dalle stuorra stállojoavku boahtá ja bahkkejit sisa. Mii ieža gártat báhtarit eret, nu ahte ii oba midjiide alcceseametge leat idjasadji. Guhkkin eret ahte mii sáhttit fállat dutnje idjasaji.” Almmái, gii lei oalle jalus olmmoš jurdilii ahte son ii bala stáluin ja jearái: “Oaččongo mun nohkastit kám- máris, vaikke stálut bohtetge ja mu vilges guovža sáht- tá goarjadit duos uvdnaguoras?” Go almmái nu vuorj- jai, de loahpas Anders lohpidii su báhcit dohko. DÁLU VEAHKA ORDNII buriid juovlabiepmuid bevddii- de. Stuorra gárri lei masá dievva goasteguollebihtáin, nubbi gáris fas steikejuvvon spiidneerttegat, ledje olu márffit ja stuorra bollus dievva risensurbmesuohkat. Bevddiin ledje olu earáge buorit ja njálgga borramušat ja herskot. Ná leage vierrun ordnet biepmuid beavdái basiid áigái ja ávvudit juovllaid. Go de ledje stellen biepmuid beavdái, de dáluveahka viehkalii meahccái čihkosii.