Sámis 29

52 Saemeste saaman jeehti, satne daesnie golme stoere-luhkie jaepieh lea tjahkasjamme, men ij leah annje naaken satnem avtesne aajjine buarastahteme. Dle dïhte båeries gaelliesskodtje gihtjie, gåabph edtja mïnnedh. Dle dïhte pååjke jeehti, edtja jïjtjse nïejtem ohtsedidh. Dle dïhte båeries gaelliesskodtje jeehti, satne edtja viehkiehtidh jïh ohtsedidh, «ihkie datne mannem aajjine buarastehti». DLE VAADTSAJÆGAN JÏH aktem flaasketjem jïh stoere aaksjoem veelti dïhte båeries gaelliesskodtje jïh dle veedtsin, dle stoere jeanoe-bealese böötigan. Dle dihte gaelliesskodtje vïnhtsem darjoej jïh dle dan vïnhtsese tjihkedægan jïh dle sovkigan dan jeanoe- raejkien. Dle dïhte gaelliesskodtje jeenjem gulliem jïh sïlpem veelti dehtie jeanoste, dle haave-bealese böötigan. Dle dan haave-bealesne stoere staare. Dle onne gåatetje dan staaren daebpielisnie, dle veedtsigan dan onne gåatatjasse jïh gihtjieh mejtie edtjigan daennie gåetesne åadtjodh årrodh. Jïh dïhte båeries gaelliesskodtje vesties gaarvoeh dan pååjkese vedti, dle årroejægan daennie gåetesne dam jïjjem. AEREDEN TJUEDTJIELIGAN JÏH olkese veedtsigan. Daennie staaresne lij dåaroe jïh dle dïhte båeries gaelliesskodtje dam flaasketjem veelti jïh dam pååjkem jïh skåakese veedtsigan jïh dle gaavnin aktem stoere gierkiem. Dle dïhte gaelliesskodtje veelti flaasketjem jïh dan gearkan gurki jïh dle akte stoere tjeehpes hierkie dehtie gierkeste bööti. Gaelliesskodtje tjaebpies fïjne dåaroe-gaarvoeh dan pååjkese vedti jïh dam hierkiem jïh dle dïhte pååjke vöölki edtja dam gånkam viehkiehtidh jïh dåarodh. Dïhte gaelliesskodtje beetsi dan gåatatjasse; vesties lij barre ïpmerijhketi. Jïh dle dïhte gaelliesskodtje dan pååjkese jiehtieji, gussie iehkede sjædta jïh sluvhtie dåaromistie, dellie edtja dehtie hierkien siejpeste bïksedh, dle dïhte hierkie aaj dan gearkan edtja vuelkedh, dle dïhte jis pååjke jïjtje dan gåatatjasse. Dïhte pååjke viehkiehti gånkam jïh dåaroej, dellie dïhte gånka vitni barre ïpmerijhketi jïh avtesne lij barre tååhpeme. Goh dle iehkede sjïdti, dle dïhte pååjke hierkien siejpeste bïksi jïh dle dïhte hierkie bijjelen dammuvrem njulhtji jïh dan gearkan bööti. Dle dïhte jis pååjke jïjtje dan gåatatjasse veedtsi, dle sjïdti vesties barre ïpmerijhketi. Dïhte gaelliesskodtje lij dennie gåatatjisnie, dle åarajigan daesnie damma jïjjem. GOH DLE AEREDE sjædta, dle dïhte gaelliesskodtje vihth jïjtjse flaasketjem veelti jïh dam pååjkem, dle veedtsigan vihth dan seamma gearkan. Dle dïhte gaelliesskodtje dehtie flaasketjistie gurki dan gearkan, dle rööpses stoere hierkie bööti jïh jeatja fïjne dåaroe- gaarvoeh dan pååjkese jis böötin. Dle dïhte vihth pååjke vöölki, edtja dam gånkam viehkiehtidh jïh dåarodh. Dle gånka vaartesje, mij lidtjie dïhte, guhte dan væjkele dåarodh, ihkie ij leah sov rïjhkeste dïhte almetje, jïh dle golme prinsessah bijjene klaasesne vaartesjeminie. Goh dle iehkede sjædta, dle dïhte gånka sïjhti daejredh, mij dïhte almetjidie, guhte dan væjkele dåarodh jïh satnem viehkehte. Jïh dle gaajhkide jïjtjse almetjidie tjöönghki, mah altese rïjhkeste jïh sæjhta daejredh, gie dïhte dan væjkele jïh dåarodh. Goh dle dïhte pååjke dehtie hierkien siejpeste bïksi jïh dïhte hierkie njulhtji bijjelen muvrem jïh dan gearkan, dïhte jis pååjke jïjtje veedtsi dan båeries gaelliesskodtjen gåajkoe. Vesties lij sjïdteme barre ïpmerijhketi dïhte pååjke. Dle gånka bööti dan