Sámis 29

50 Saemeste saaman AKTEN AEJKIEN AKTE gånka golme baernieh utnieji jïh dle dïhte altese trööhnege jeemi. Dle dïhte gånka jeatjadinie pruvri jïh dle golme nïejth åadtjoej. Akten jovnesåhkoe-iehkeden dah golme vïelletjh olkese vöölkin jïh dle veedtsin skåakese, dle jaevrie-bealese böötin. Dle doh gööktesh nahkestin, men dle dohte nööremes ij leah, dïhte guhtsieji. Dle golme tjaetsie- ledtieh böötin jïh dle båadtsede noeledin. Dan jaavran veedtsin jïh voejedin dennie jaevresne dïhte nööremes prinse jis åara jïh vuartesje, goh dle doh voejedieh. Goh dle lin feerti, dle dehtie jaevreste tjuedtjielin jïh dan akten tjaetsie-ledtien gaarvoeh veelti jïh vöörhki. Dle goh mubpieh jïjtjsh gaarvojde gaavnin, dle idtji goh dohte akte jïjtjse gaarvoeh gaavnh. Dle dohte prinse fraamme bööti jïh jiehtieji, ij goh jïjtjse gaarvoeh åadtjoeh, fööre goh lea sutnjien nïejtine dåajvoehtamme. Dle dïhte tjaetsie-ledtie jiehtieji: «Å datne mannem åadtjoeh, men im goh manne datnem åadtjoeh!» Å dle onne gærjetjem vedti jïh jeehti: «Gussie sïjhth, edtjem manne dov gåajkoe båetedh, dle edtjh lohkedh dennie uhtsie gærjatjisnie jïh jiehtedh: Gussie akte tjelmie åara, dle åerieh gåabpatjahkh.» Prinsessan bïjre, guhte tjaetsie-ledtine sjïdti DLE DÏHTE PRINSE ïpmerijhketi aavose sjïdti. Goh dle hïejmese bööti, dle iehkeden veedtsi jïh åaraji jïjtjse kaammerese jïh klaasem rïhpesti, dle dennie gærjatjisnie lohki. Dellie onne ladtetje klaase-raejkien bööti jïh dan altese kaammerese, dle sjïdti faavroes prinsessine, jïh dïhte pååjke ïpmerijhketi aavose sjïdti jïh dle jeehti: «Gussie akte tjelmie åara, dle åerieh gåabpatjahkh.» Nå dle aktesne åarajigan dam jïjjem. Goh dle aerede sjïdti, dle rïhpesti vihth klaasem jïh dle dïhte ladtetje vöölki. —Mubpien iehkeden aaj seamma laakan aaj daennie gærjatjisnie lohki jïh dle dïhte ladtetje vihth bööti å dle numhtie guhkiem lohki jïh dïhte ladtetje båata fïerhten aejkien, gussie daennie gærjatjisnie lohkeme. Goh dan kaammerese båata, dle faavroes prinsessine sjædta. Dle numhtie guhkiem gossege trööhne pååjkese måarahtovvi, ihkie ij altese nïejti bealesne sïjhth åeredh. Dle ussjedi, ahte jeatja nïejtem åtna. Dle dam altese båarasommesem nïejtem steellie, edtja ryöjnesjidh aktem jïjjem jïh galka vaartasjidh, mejtie dïhte baernie naaken lahkan vualka jallh mejtie naaken nïejtem åtna. DLE DÏHTE VIHTH baernie dan iehkeden jïjtjse kaammerese vöölki jïh dohte prinsessa aktene. Jïh dle Ole Samuel Elsvatn