Sámis 29

Sámis 29/2019 49 raejkien olkese veedtsi å dlie Rievåhte dan aaj åejjiem tjoehpesti. Dle staaloe vuarta gåabpoeh dah altese baernieh sjïdtin å dle jïjtje olkese veedtsi. Dlie dïhte aaj båassjoe-raejkien olkese veedtsi, dle Rievåhte dan aaj åejjiem tjoehpesti. DLIE ROVHTE, STAALOEN gåmma, jïh dïhte nïejte gåetesne, dle dïhte nööremes vïelle dan nïejten gåatan bööti å dle Rovhte vïenhti, dïhte lij altese nööremes baernie. Dle dïhte jis mubpie vïelle bööti gåatan jïh dle Rovhte vïenhti, dïhte lij altese gaskelommes baernie. Dle dïhte jis nïejte lij tjahkesjeminie jïh Rovhtegen åejjiem lij gïehtjeminie. Dle dïhte jis gåalmede baernie bööti gåatan ja dlie Rovhte vïenhti, dïhte lij altese båarasommes baernie. Dlie dïhte nïejte Rovhtegen ruevtie-såabpesem lij dållese bïejeme. Dle dïhte nööremes baernie Rovhtegem gihtjie: «Tjidtjie, gusnie mov sïlph?» Dle Rovhte jeehti: «Oksen nuelesne.» Jïh dle gihtji: «Gusnie lea dan gaskelommesen vïellen sïlph?» Dlie Rovhte jeehti: «Båassjoe-bealesne.» Dle gihtjie: «Gusnie aehtjien sïlph?» Dle Rovhte jeehti: «Dunnie båassjosne.» Dle gihtjie: «Gusnie, tjidtjie, dov sïlph?» Dle Rovhte jeehti: «Dunnie aernesne.» Dle easkah Rovhtege voerede, ij leah annje daah sov-ge baernieh å dle jïjtjse aaksjoen mietie tjåårve: «Maajtoe, Maajtoe!» Dlie dïhte aaksjoe bööti jïh dellie edtja dejtie baernide tjoehpedh, men dle idtji ’nje dievedh gænnah, dle barre rigkiem dieviedi. Jïh dle jïjtjse ruevtie-såabpesen mietie gylje: «Båetieh ruevtie- såabpes mov gåajkoe!» Dle dïhte ruevtie-såabpes bööti jïh dle dïhte Rovhte sjïjlide njammesti jïh dle jaama. Dle saemien baernieh åadtjoejin jïjtjsh bovtside bååstede jïh åabpam jïh gaajhke staaloen eekem jïh dle bååstide vöölkin jïh båantine sjïdtin. Halász, Ignácz (1887): Svéd-lapp nyelv III: Ume- és tornio- lappmarki nyelvmutatványok . Budapest. Sæjroeh 67–70. Gaskeviermesne: http://goo.gl/2aGhp4 Daaletje tjaeleme-vuekien mietie Jussi Ylikoski orrestamme.