Sámis 29

48 Saemeste saaman AKTEN AEJKIEN AKTE staaloe golme baernieh utnie- ji å akte ræjhkoes saemie, dïhte aaj golme baernieh utnieji å aktem nïejtem. Jïh akten aejkien galki nïejte ryöjnesjidh jïh dle dan staaloen baernieh böötin jïh veeltin dan saemien bovtside jïh nïejtem. Jïh dle rööp- ses laejkiem boengesne utni dïhte nïejte jïh dlie bovt- sen gaekieridie tjöönghki jïh dle böötin stoere jaav- ran. Dïhte nïejte rööpses laejkeste (laajkatjistie) burhki (burhkesti) jïh dle dan jaavran luajhta. Dle altese vïellh ohtselin (voeredin), ahte staaloen baernieh gaajhkide bovtside leah vaalteme å altese åabpam. Daan saemi- en baerniej nomme lij Rievå, Rabpe jïh Ampåhte. AKTEN AEJKIEN EDTJIEH åabpam jïh bovtside ohtsedidh å dle vööjnin dam rööpses laejkiem, maam lea dan jaavran hajkehtamme jïh dle böötin dan staaloen gåajkoe. Bovtside lin geadtan tsaakeme dah staaloeh. Dle dah vïellh veedtsin tjaetsieprutnie- bealese jïh dle goesese goetsin å dle vööjnin, ahte åabpa båata tjaetsien mietie. Dle veeltin goeseste aktem baahtsegem jïh dle hajkehtin våålese. Dle åabpa vïjlehti bæjjese å dle vööjni jïjtjse vïellide desnie goesesne. Dle dah gihtjin, mejtie staaloe lea krovhtem tseegkeme, jïh dle jeehtin, edtja moerem krovhtem nualan bïejedh jïh dle edtja vaedtsedh moerese tröörestidh, edtja krovhte staalhpadidh (tjïevledidh), edtjieh govnetjh krovhtese båetedh. Ihke staaloe ij ’nje sïjhth byöpmedalledh, ihke govnh leah båateme krovhtese. Dïhte nïejte darjoej, guktie sov vïellh jeehtin. Dle staaloeh steellin dam nïejtem, edtja vaarredh gaaltijasse jïh skuvledh jïh stoere bïenjese vedtedh. Dle vedti jïjtjse vïellide beapmojde jïh jïjtje gåatan vöölki. Goh gåatan bööti, dle staaloe steelli, edtja vielie krovhtem tseegkedh jïh jeatja beapmojde bïejedh dan krovhtese. Goh leah dlie byöpmedalleme, dle staaloe dan altese nööremassen baarnan jeehti, edtja olkese vaedtsedh jïh vuartasjidh, mejtie bovtsh leah giedtesne å dle edtja båassjoe-raejkien olkese vaedtsedh. Dïhte veedtsi olkese båassjoe-raejkien; men Rievåhte joe lij desnie vuertieminie å dan åejjiem tjoehpesti jïh olkese seedtesti. Dlie staaloe dan gaskelommesen baarnan jeehti, edtja dïhte olkese vaedtsedh. Dlie dïhte aaj båassjoe-raejkien veedtsi. Dlie Rievåhte dan aaj åejjiem tjoehpesti. Dlie staaloe dejtie jïjtjse baernide vuertieji å dle dam jis båarasommesem olkese steelli. Dlie dïhte aaj båassjoe- Staaloe, Rovhte jïh saemien golme baernieh Ole Samuel Elsvatn

RkJQdWJsaXNoZXIy NDI2ODk=