Sámis 27-28

Sámis 27–28/2018 59 Reaŋgga-guovttos Lille ja Bavda leigga beaivvi čuohp­ pan fanasávdnasiid vuovddis. Go bođiiga lávvui, de lei Bikká-Ovllá boahtán lávvui. Son lei soagŋomátkkis jearramin Ásllagis su nieidda Gádjá moarsin. Sus lei buolleviidni mielde, nu mo árbevierru lei. Sihke Ásllat ja Bikke-Ovllá leigga bures oaiváduvvan. Oaivvis/gárremiin Ásllat čuoččuhišgođii ahte reaŋgga­ guvttos leigga suoládan sus ruđaid juovllaidáigge. Soai biehttaleigga. Ija beallái buohkat váibe ja nohkkagohte. Bavda vávjjii ahte Ásllat ii lean álfárot dearvvas ja gulai su ihkku gossamin. Ásllat lihkai árrat ja rávkkai duoid earáid ja dáhtui ju- gástaga. Bikká-Ovllá geigii sutnje boahtala, ja Ásllat jugistii moadde njálmmedievva. De Bikká-Ovllá attiii Ásllagii soagŋogiliid, ja Ásllat de fas nohkai. Buoh- kat ledje lávus earret Inger gii lei mannan boazosiidii guođohit bohccuid. Bavda manai olggos lávus viežžat Bikká-Ovllá herggiid, ja jávkkai tiibmobeale. De Sauva beahkilii lávus olggos ja muitalii ahte Ásllat lei jápmán. Bavda čákŋalii lávvui iskat lei go Ásllat heakkas. Son lei jápmán ja ii vuht- ton varra gokko ge. Orui leamen lunddolaš jápmin. Sii veahkkálaga gisse liikka ránu sisa ja gorro dan gitta ja gokče dan gerresa sisa. De lei Bikká-Ovllá vuorru čilget Son lei riegán duoddaris Gilevuona girkosuohkanis ja lei sullii 30 jagi boaris. Son čilgii ahte son bođii Ásllaga lávvui veaigin. Son lei soagŋomátkkis, ja sus lei mielde 3 lihtter-boahtala buolleviidni. Gáddjá, gean háliida moarsin, lei mannan ealu lusa. Ásllat jugistii moadde njálmmedievva jugástaga. Dalá maŋŋá bohte nieiddat lávvui. Ja maŋŋelaš maiddái Bavda ja Lille. De juhke moadde lihtterboahtala buolleviinni, muhto ii hállo- juvvon soakŋus mihkkige. Bikká-Ovllá logai maiddái ahte Ásllat namahii suoláduvvon ruđaid. Muhto ii čielgan dan áššis mihkkige. Gaskaija áigge buohkat ráhkkanišgohte nohkkat, earret Inger ja Sauva geat manaiga boazosiidii. Poastavuoddji sárgojuvvon 1800-logu álggus. Vaikke leš Uhca-Ásllat?