Sámis 27-28

60 Sámis 27–28/2018 Ásllat gosai garrasit dan ija ja dettii gieđa ratti vuos- tá ja fieradii sajistis. Bikke-Ovllá jearai nieiddas Gádjás ahte lávii go su áhčči nie gossat ja luoibmat go lei juh- kan. Muhto dan son ii lean gal vásihan ovdal. Iđđes lei Ásllat hui buozas ja gohmáin. Ásllat de mui- talii Sauvai, gii bođii boazosiidas, ahte son lei masá jápmán mannan ija. Ásllat fas jugistii moadde njálm- medievva drámma ja velledii nohkkat. Ovdal go Ásllat nohkai, de lei soahpan Bikká-Ovlláin ahte dat oažžu su nieidda Gádjá moarsin ja fidnii 4 spesidála gihlin. Dalá maŋŋá de vihko ahte Ásllat lei jápmán. De sohpe giessat liikka ránu sisa vai beatna- gat eai gáskigoađe dan. Nieiddat adde ránu ja nálu ja árppu, ja Bikká-Ovllá ja reaŋga Jon Andersen Lille goa- ruiga ránu gitta. De lei Johannes Andersen Sauva vuorru čilget Son lei masá 40 jagi boaris. Dalá maŋŋá go Ásllat já- mii, de son ja Ásllaga nieida Inger vulggiiga viežžat Ásllaga vielja Ásllat-Ovllá – Ole Aslaksen (Toma). Go Ásllat-Ovllá čákŋalii lávvui eahkedis, de son rađai ránu man sisa su viellja lei gorrojuvvon. Son iskkai liikka man gehčče maiddái Jermun-Piera – Peer (Peder) Gjer- mundsen, Peđar-Jovnna – Jon Pedersen Utziok (Ohce- johka) ja Peđar-Niljas – Nils Pedersen Utziok (Ohcejoh- ka) geat ledje čuvvon Ásllat-Ovllá su vielljarohki lávvui. Muđuid eai lean eará ođđasat Sauva čilgejumis. Loahpas lei Gádjá vuorru čilget Son lei 21 jagi boaris. Son čilgii ahte áhččis lei mánu ovdal fitnan Buolbmágis. Doppe lei son ožžon muh- tuma duovlut su niskki dikšut su niskebákčasiid. Ráigi bures dovdui su niskkis dalle go jámii. Inger, gii lei 19 jagi boaris, čilgii seamma láhkai go oabbás, Gáddjá. Diggi de loahpahvvui ii ge oktage dubmejuvvon. *** Ja Uhca-Ásllat – Aslak Aslaksen Banne hávdáduvui Deanu girkogárdái čakčamánu 1. beaivve 1816. Jagi maŋŋá Ole Pedersen Bigga – Bikká-Ovllá ja Karen Aslaksdatter Banne – Silba-Gáddjá náitaleigga. Son gohčoduvvui Silba-Gáddján danne go lei nu čáppis ja fávru. Silba-Gáddjá lei riegádan 14.01.1795 ja jámii 05.12.1861, ja hávdáduvvui Kárášjoga girkogárdái. B.M. Keihau galledii ee. Deanu, Buolbmága, Ohce­ joga ja Kárášjoga boazo­ siiddaid jagiid 1827 ja 1828. Dá su sárggus ”Kárášjoga badjeolbmot”, prentejuvvon su girjjis ”Reise i Øst- og Vest-Fin­ marken... i Aarene 1827 og 1828”mii almmustuvai 1831:s.