Sámis 27-28

58 Sámis 27–28/2018 Bikká-Ovllá – Ole Pedersen Bigga (1785- 1835) lei soagŋomátkkis siiddaisida Uhca-Ásllat– Aslak Aslaksen Banne luhtte ovdalaš beassážiid 1816 go siiddaisit fáhk- kestaga jámii (10.04.1816). Beaggigođii ahte lei ártegis jápmin ja danne váidojuvvui. Nu jápmin šattai áššin dikkis vuolle Deanus Guollesullos (Gollesullos) geassemánu 25. beaivve 1816. Buohkat geat ledje siiddas go Uhca-Ásllat jámii, gohčohalle diggái. Dikki ovddasteaddjit Guollesullos ledje: Sundi Schjoldager Ámtamánni Krogh Leansmann Johan Astrup Skuvlaalmmái Ole Rasmussen 5 lávdeolbmo Dikki álggahettiin čilgejuvvui ahte Deanu boazosuoh- kana Uhca-Ásllat – Aslak Aslaksen Banne jámii báifáhk- ka golbma beaivve ovdal beassážiid 1816 dušše 55 jagi boaris. Jagi 1812 son lei virgáduvvon poasta- vuoddjin gaskal Buolbmága ja Kárášjoga. Dan lassin son lei badjeolmmoš. Su siidii gulle su golbma ollesol- bmo nieidda (vuosttas náittosdilis) ja bártnit (nuppi náittosdilis) ja lassin golbma reaŋgga. (Njealját nieida riegádii suoidnemánus 1816; AaS). Diggi gažadii Ásllaga reaŋggaid Jon Andersen Paut (Bavda) ja Jon Andersen Lille (Uhc- ci) leigga lávus go Uhca-Ásllat jámii. Bavda vuos gaža­ duvvui. Son lei 30 jagi boaris ja lei álgán reaŋgan ov­ dalaš juovllaid 1815 ja lei boazosiiddas 4-5 vahku ov- dal beassážiid. Son čilgii čuovvovačča: Njeallje beaivve ovdal beassá­ žiid, beaivvi ovdal go Ásllat jámii, son lei Ásllaga lávus oktanaga Ásllaga reaŋggaiguin, Jon Andersen Lille ja Jon Andersen Sauva (Saua). Lávus ledje maiddái Bikká- Ovllá – Ole Pedersen Bigga ja oamehasa/rohki nieiddat Gáddjá (Káre), Inger ja Birthe. Aage Solbakk Soagŋomátki ovdalaš beassážiid 1816 Navdojuvvui dagahan boazosiiddaisida jápmima