Sámis 27-28

Sámis 27–28/2018 43 Ja dan botta go Norgga Biibbalsearvi lea dahkan dan barggu (ovttasbargun Suoma ja Ruoŧa biibbalservvii­ guin), de lea Sámi Biibbal olggosaddán OT-16. Áigi lea boahtán árvvoštallat barggu ja jearrat: Lea go sin bar­ gu lihkostuvvan, ja man láhkái? Mii oaidnit ahte hei­ vehanbarggu oasit leat ánssášan hui buorre árvosániid, juosgo eará oasit leat ožžon váilevaš hámi ja ánssášit dasto heivvolaš cuiggodusaid, ja soaitá neavvagiid mo buoridit jorgalusa – áinnas mo buoridit dan giela. Barggu boađus Girjin leat mii ožžon eaŋkalis girjji. Teaksta lea pren­ tejuvvon guoktin bálstán, nu go lea dábálaš biiba­ liin. Nu gohččoduvvon kolofon-siidu addá dušše hui eaŋkalis dieđuid. Das čuožžu copyriht-diehtu ja ISBN- nummir. Duššin mii ohcat dieđuid dan birra mii lea teakstavuođđu mas dat biibbal lea jorgaluvvon. Das čuožžu lágádusa namma, muhto ii leat mihkkege die­ đuid das gii lea dahkan gielalaš ja gráfalaš barggu. Lea eahpečielggas mákkár gielalaš norbma dahje suopman-norbma lea ofelastán girjji teavstta. Dieđusge lea lunddolaš konkluderet ahte go girji lea olggosaddojuv­ von Guovdageainnus, de lea Guovdageaidno-suopman báidnán girjji gielai. Šaddá dasto miellagiddevaš vási­ hit vuostáiváldojuvvo go dat girji eará guovlluin. Jearan nu, danne go čađa áiggi lean ieš gullan olbmuid Durd­ nosleagis ja davvisámegielguovllu doaresbáikkiin váida­ lit ahte sii eai ádde davvisámegiela biibbaljorgalusa. Mo doaibmá ođđa veršuvdna? Oažžut go mii dál áddehaht­ ti Ođđa Testamentta, sihke nuortan, oarjin ja vel Suoma ja Ruoŧa bealde? Buorit ja heajut bealit Maŋimuš jagi áiggi OT-16 biibbalteavsttaiguin lean mun geahččalan árvvoštallat girjji veahá systemáhta­ laččat. Girji geavaha álkkes ja oahpes dávvisámegiela. Muhtun vearssat mat ledje váddásat áddet boares Bib­ bal-teavsttas leat dál heivehuvvon áddehahtti gillii. Dat doaivumis dahká ahte dál lea vejolaš maiddái nuorra­ geardái lohkat biibala. Jur dat lei oaivemoaitámuš, man oahpaheaddjit, báhpat, dulkkat ja konfirmašun- oahpaheaddjit ovdanbukte Boares Bibala vuostá. Máŋ­ gii sii celke ahte Boares Biibal lea gielalaččat nu lossat ahte nuorrageardi ii máhte lohkat iežas eatnigiel Biiba­ la. Mu árvvoštallama mielde lea bargojoavku eanemusat čoavdán daid hástalusaid bures. Ain gávdnojit dattege menddo guhkes cealkagat muhtun vearssain. Lea hui čielggas ahte lágádusas leat váilon návccat ja soaitá maiddái máhtu (kompetánsa) dárkkistit girjji gie­ la ja jorgalusa. Dat boahtá ovdan go mii fuomášit teavst­ ta máŋga čállinmeattáhusa ja maiddái njuolgga giella­ boastuvuođaid. Vuogádatlaš čađalohkan livččii leamaš gánnáhahtti korrigeren dihtii daid meattáhusaid. Namuhan moadde meattáhus-ovdamearkka. Ii leat nu systemáhtalaš listtu, dasgo ieš in leat sámi eatnigiel­ hálli, iige leat nu álkit munnje fuobmát mat leat čielga čállinmeattáhusat ja mat bohtet váilevaš giel­ laoahpus. Muhto moadde ášši leat čalbmáičuohcci čállinmeattáhusat. Dávja čuožžu bustáva ”a” á -bustávva sajis, eará sajiin lea ”á” a -bustávva sajis, ja ”e” gos berre leat ”i”. Sátni ”rávkkai” gávdno teavsttas iešguđetlágán hápmin: ravkái (Mark. 1:20), rávkái (Mark. 3:13) . Kolofonsiidu addá dušše unnimus dieđuid girjji birra.