Sámis 27-28

44 Sámis 27–28/2018 Sátni ”apostal” lea Korinttalašgirjjis čállojuvvon ”apoastal”, ja ”rámidit” molsašuvvá nu ahte muhtun sa­ jiin čuožžu ”rámiidit”. Máŋgga sajiin čuožžu eaŋkal ”-i” sátneloahpas dákkár sajiin gos giellaoahppu dadjá ah­ te ferte leat ”-ii”, no go ”sin gaski” (gaskii sajis Matt. 18:2) ja ”dohppi” (dohpii Matt. 18:28). Maiddái kon­ sonánttat seaguhuvvojit, nu ahte muhtun sajiin čuožžu ”senet” ja eará sajiin ”sennet”, lea sihke ”oba”, ”obba” ja ”oppa” seammá mearkkašumis, ja Joh. 5 čuožžu ”buozzi” ”buohcci”-sáni sajis. Go dákkár čállinmeattáhusat bohtet kasusgehčosiid oktavuođas, šaddet muhtomiin beantá somás cealkagat: Nu Jesus cealká ahte ii olmmoš ”eale láibin”. (Matt. 4). Vaikko maiddái dat lea duohta, de dat ii leat maid Mat­ teus dadjá. Seammáláhkái lea ártet lohkat ahte Johan- nes lea stuorámus ”nissonin riegádan” (Matt. 11). Eah­ pidan dan maid. Gávdnojit maiddái cealkkaráhkadus-meattáhusat, ja máŋgga sajis váilu rihkku dahje čuokkis vearsaloahpas. Dákkár meattáhusat moivejit biibballohkkama ja addet lohkkiide váttisvuođaid. Mu konklušuvdna lea nappo ahte Ođđa Testamenta Ja Sálmmaid Girji báikkuid dárbbaša duođalaš divvuma. Geahčastat ovddosguvlui Máŋga namahuvvon meattáhusa livčče kánske vejolaš vealtat ođđaáigásaš digitála jorgalanveahkkeneavvuid ja buorre lágádusbarggu vehkiin. Soaitá dasto livččii buorre jurdda ahte Sámi Biibbal -lágádus boahtteáiggis dahká ovttasbarggu nuppi lágádusfitnodagain mas leat dárbbášlaš návccat – giellakompetánsa ja ekonomalaš ressurssat – čoavdit dákkár váttisvuođaid mat dán girj­ jis leat menddo čalbmáičuohcci. Unnimustá guovtte geainnu livččii dalle vejolaš čuovvut: • Livččii vejolaš dahkat ovttasbarggu hárjánan lágádusfitnodagain mas lea sámegiela ja lágádus­ barggu kompetánsa ja kapasitehta. • Dahje dahkat barggu ovttasbargun Norgga Biib- balservviin . Dalle livččii kánske vejolaš sihkkarastit kompetánssa boahtte jagiid sámi biibbaljorgalan­ bargui ge. Vissásii lea maiddái boahtteáiggis dárbu buoridit sihke OT-16 ja maiddái dan sámi biibala mii boahtá Norgga Biibbalsearvvi lágádusas boaht­ te jagi. Ja seammá duohta lea ahte eat mii hálit vuordit nuppi 100–150 jagi ovdal go servodat ja searvegoddi dahket daid divodusaid man Biibbal dárbbaša ain boahteáiggis. Juos velá Stuorradiggi maid mearrida boahtte jagiid ge addit jahkásaš juolludeami sámi biibbaljorgalanbargui, de dat šattašii ekonomalaš vuođđun mii sihkkarastášii sámi biibbaljorgalanbarggu, doaivumis sihke davvi­ sámegillii, julevsámegillii ja máttasámegillii. Stuorrá bargu – viiddis oktavuođas Birramáilmmi leat dál máŋga biibbaljorgalanprošeavtta. Ruoššas lei stuorra dárbu biibbaliidda kommunista- áiggi maŋŋil. Guokte ruošša biibbaljorgaleaddji gal­ ledeigga jorgalanseminára 90-jagiid álggus. Dat se­ minára lei dušše oanehis áiggi maŋŋil go Moskva gáv­ pogis ráđđehusvistti olgobealde ledje stuorra stuim­ mit báhčinvearjjuiguin ja tánksaiguin. Muhtun jearai nuppi jorgaleaddjis ” Maid de dii biibbalsearvvis dalle dagaidet?” Ja biibbaljorgaleaddji vástidii: ”Mii juoga