Sámis 25

56 Sámis 25/2017 vártnutis isidasas. li diehtán gal oktage man mađe dat attii. Agibeaivve bálvá elii vel ollu jagiid das maŋŋil ja barg- gai dego váibatmeahthm olmmoš. Su álgo eaiggádat ledje jo guođđán sin eallinbeivviid, muhto ođđa dálut bohte fas su báikki lahka. Son lei ain bálvaleaddji gos ain bargu gávdnui, lehkos lean dal geahppa dahje los- sa bargu. Dan ođđa bargosajis lei son ládjobarggus árrat iđđedis ja maŋŋit eahkedii. Bassanbargu maid gulai sutnje. Su gieđat ledje kroavvát ja suorpmat roŋkon. Dat muita- ledje su dili birra. Muhto son váccii ain nu geahppadit. Dan ođđa dálolaččas ledje maid stuorra eatnamat ja dárbbasii bargiid. Muhtun nuorra nieida maid álggii dasa bargui, muhto dušše ovtta vahkkui. Árvalii ahte lei suohtas bargat dainna virkos áhkuin. Nieiddaš šieh­ tai eaiggádiin ahte son ieš doallá borramuša. Kruvdnu lei dalle eambbo bálká beaivái, beassá borrat goas ieš háliida. Bargoáigi álggii iđidis čieža áigge. Árrat fertii iđedis vázzilit go mátki lei badjel miilabeali. Go nieiddaš bođii bargosadjái, de lei agibeaibálvá jo barggus. Tii- bmu ovcci álggii nieiddaš borrat niesttis. Su bargo­ skihpár maid bođii čohkánit ja dadjá: "Mun in oaččo vel borrat ovdal go 10 áigge.» Ja de čuojai biellu. Lei iđitborramušáigi. «Na goas dis lea gaskabeaivi?" "Njealji-viđa áigge." Go tiibmu šattai golbma, de čohkánii nieiddaš bora- dit lávkkastis. Agibeaibálvá maid bođii čohkánit báldii. Nieiddaš gulai ártegis jiena, dego nuppe bealde háse ja dadjá: "Gulat go dego olbmot hállet nuppe bealde háse?" Agibeaibálvá bogostallá ja dadjá: «Mu čoalit dat bár- got go oainnán ahte don borat nu buorre borramuša - luosa ja gusavuoiláibbi. Ja lákcamielkki go leš velá. Min sámi njálgga borramušaid. Mu olbmot leat buorit olbmot, muhto sii leat ámmátolbmot eaige ádde ahte garra barggus nealgu olmmoš». Nieida dadjá: "Ihttin válddán stuorát spánja lákca­ mielkki, ja dalle moai boradetne oktanaga." Maŋit beaivve lei nu suohtas, ja viššalis, vuoras bar- gi maid asttai čohkánit. Agibeaibálvá lei duhtavamoš olmmoš maid dovddaimet. Son giitalii daid suohtasis beivviid ovddas maid beasaimet ovttas bargat. Bázii ain ollu bargu. Loahppa beivviid lei son skuvla­ čorgejeaddji ja oaččui buorre rámi su bargguidis ovd- das. Son lei lagabuid 80 jagi go šattai buohccin ja veallái su iežas visttis gos sámi missonsearvegotti oabbá su divššui bures dassái go son beasai vuoiŋŋastit maŋe­ muš vuoiŋŋastaga. Ja sutnje doaimmahuvvui čáppa hávdádeapmi. Muitaluvvo ahte su seaŋga lei su ruhtabáŋku gosa skihkalaččat son lei rádjan su bargguid váivviid. Mii muitit su ollu árvvuin. Lágidan ja heivehan ođđa čállenvuohkái: Aage Solbakk.