Sámis 25

Sámis 25/2017 57 GII DE LEI AGIBEAIBÁLVÁ? Son lei Eva Olsdatter, riegádan Sieiddás 21.05.1857, já- mii juovllaidáigge 1933. Su vánhemat ledje Ole Kristof- fersen, r. 1831 Mieskevuonas (Meskefjorden), jápmán 1871 Sieiddái; girkolávlu ja oahpaheaddji, ja eamit Berte Olsdatter, r. 1827 Sieiddás. Ássanbáiki: Sieiddá/ Seida. Eva Olsdatter náitalii suinna: Daniel Mathiesen, r. 1852 Suomas. Soai oaččuiga njeallje máná: Kain r. 1896, Aina r. 1897, Seth r. 1899 ja Lembi r. 1900. Soai bálvaleigga Hans Schanche, gii oamastii Marienlund. Eva, isit ja mánát ásse Marienlund reaŋgastobožis. Gunnar Brustad, gii jođihii “Schanches Minne”mánáid- ruovttu 1930-logus, lea čállán muitosáni “Bestemor Eva” birra Samenes Venn áviissas 11.02.1934. AaS. é Ovllá-Ánne – Anna Biggi lei riegádan 25.02.1899 ja jámii 27.10.1990. Su áhčči lei dovddus sárdnideaddji Badjegiet-Ovllá – Ole Olsen Bagjegiedde (1852–1925). Son gulai Banne badjesohkii. Ánne isit lei Bikke-Piera – Per Johannes Biggi (1896–1972), gii gulai Biggi-Wi- gelius-sohkii. Boarásman beivviid Ánne čálašii viššalit muitalu- said ja divttaid main muhtun oassi lea almmuhuvvon Nuorttanastes. Son lei mielde Sámeráđi čállingilvvus 1972:s, “Sámit muitalit”, mas almmuhuvvui su muitalus “Mii čállit otne jo 10. guovvamánu 1972”. 1970-logu loahpas gallestallen Ovllá-Ánne Bon- jákasas, ja son attii munnje muitalusaid ja divttaid maid son doaivvui oažžut prentejuvvot, nu go ieš lo- gai: logusin nuorat geardái vai veaháš oahpašedje eal- linlágiid ja vieruid ja dábiid vuolle Deanus. Oassi su muitalusain ja divttain almmuhuvve Goavddis-girjjis 2003, man ČálliidLágádus lágidii. AaS.