48 / 80
48
Sámis
22/2016
Sámi sentralsearvi
lágidii riikkačoahkkima Bon-
jákasas Deanus suoidnemánu 10.–12. beivviid
1920. Ledje boahtán badjel 100 sápmelačča.
Maiddái lullisápmelaš Elsa Laula Renberg lei boah
tán čoahkkimii. Son doalai beaktilis sártni, mas
son deattuhii ahte sápmelaččat fertejedje ovttas
bargat várjalit sin árbevieruid ja vuoigatvuođaid.
Dan deattuheigga maiddái searvvi ovdaolmmoš
Máret-Lemet – Klemet P. Solbakken ja čálli John
Haug. De ii lean imaš ahte čoahkkimis bohcii-
dii
sámiid čearddalaš moriidus,
nu go muhtun
áviissat čálle. Lágideaddjit ráhkadedje maiddái
leavgga masa lei čállojuvvon:
Eatni váibmu var-
dá go su mánát eai dáhto su dovdat.
Nu garrasit
lei dáruiduhttinpolitihkka čuohcagoahtán sámi
bearrašiidda.
Govva: Noras arkiiva.