52
Sámis
15/2014
Aage Solbakk
Govvamuittut
Deatnu lea erenoamáš, ja lea
ovttas Kanada Miramichi dea
nuin máilmmi deaŧaleamos
luossajohka. Deanus leat
maiddái goddon máilmmi
stuorámus luosat. Stuorámus
luossa galgá leat goddon Dea
nus 1928:s. Son gii gottii dan,
lei Uhca-Heike – Henrik Hen
riksen – Fanasgiettis eret. Dat
dettii 36 kg. Dan lea čilgen su
bárdni, Uhca-Heikke Heike –
Martin Henriksen. Muhto fer
tet gal lasihit ahte váilot jahke
hahtti duođaštusat luosa stur
rodaga birra.
Uhca-Heikke guolásteami birra lea
čállán Torbjørn Tufte girjjistis, mii
almmustuvai 1994. Dá oassi heive-
huvvon sámegillii:
Uhca-Heike lea oaggumin suga gu-
oikkas. Suhká garrasit vai ii rievd-
da. Geahččala doaladit basteoaivvi
vásedin sajis govis, gokko luossa
láve čuožžut. Diibmu lea ovcci eah-
kedis. De dohppe ja boares rulla
šnjirragoahtá... Luossa ruohtasta
rávdnjái ja nu čuoččasta čiekŋalassii.
Ii lihkas gosa ge. Uhca-Heike doallá
garrasit, muhto ii ávki. Stuorraluossa
ii lihkas dumá ge.
Diimmut vásset. Uhca-Heike lu-
oitá duorggu rullas ja gulul suh-
ká gátti guvlui. Stággu lea fatnasa
maŋŋegeahčen. Gulul rohtte fatna-
sa gáddái. Dohppe stággui; dat lea
ain gitta. Guolli čuožžu ain seamma
sajis deanus. De son bardigoahtá
geđggiid fatnasii. Látnan. De suhká
gulul dohko gos luossa lea orrumin,
ja rulle dađistaga duorggu vai čavga
lea. Bálkugoahtá geđggiid luosa ba-
jábeallái. Ii lihkas...
Ja nie vássá idja. Guđaáigge iđđes
lea luossa jo lahka gátti. Muhto ii
leat velá heaibun nohkan. Heike gár-
rá roahkana čuoibmegeahčái ja suh-
ká gulul luosa badjel, sibilda roahka-
na luosa vuollái ja roahkasta.
Nie stuorra goadjin ferte loahpa-
hit eallimis Deanu Geavgŋá vuolde.
Buorre ovcci diimmu lea heaibun
bistán. Stuoris ja šealgat ja seamma
govdat go fanas.
Go vihkkejuvvui, de dettii 36 kg.