26 / 60
26
Sámis
15/2014
Sire K. Gaski
D
iibmá lei Canada našunálgalleriijas čájáhus
man namma lei Sakahàn. Sakahàn mearkkaša
«to light a fire» – cahkkehit dola – ja boahtá
Algonquin-gielas. Dolla maid ledje cahkkehan Otta-
wa gávpogii lei stuorámus riikkaidgaskasaš álgoálbmot
dáiddadáhpáhus mii goassige leamaš. Doppe led-
je 80 dáiddára 16 riikkas, birra máilmme. Guhtta sá-
me dáiddára ledje beassan fárrui: Marja Helander, Geir
ToreHolm, Viggo Pedersen, Outi Pieski, Gjert Rognli
ja Ingunn Utsi. Dasa lassin ledje maid eará dáidda-
dáhpáhusat Ottawas, muđui Canadas, ja vel Aotearoas
(Ođđa Zealanda). Okta mii lei Ottawas lei Joar Nango
čájáhus «gaskaboddosaš čoavddus eará diŋgii» SAW
Gallery:as.
Navddán lohkki dovdat sáme dáiddáriid goittotge muh-
tun muddui, de in áiggo nu ollu čállit daid birra, eará go
ovtta Geir Tore Holm prošeavttain, lei nugohčoduvvon
”site-specific installation” – báikki hárrái mearriduvvon
installašuvdna – man namma lea ”Secret Hidden Gar-
den” – Čiegus čihkkon gilvvagárdi – ja mii lea juste dat
maid namma čilge. Ii lean gal dieđusge nu čiegus, go
lei šiljus olggobeal musea, muhto namma speadjalasttii
várra eanet gilvvagárddi sisdoalu go gos dat lei: doppe
ledje dan guovllu rásit ja šattut mat dološ rájes leat gea-
vahuvvon dálkkasin. Čiegus máhtu maid oahpaha ovt-
ta buolvvas nuppi bulvii, ja juste danin orui ge heivemin
ahte ledje guovllu álgoálbmotnuorat geat ožžo ovddas-
vástádusa dan gilvvagárddi fáktet, Sakahàn Youth-oasis
čájáhusas. Ledjen Ottawas suoidnemánus, ja dalle lei
olles leavttuin šaddamin. Lei maid nu ahte dat nuorat
geain lei ovddasvástádus dan gilvvagárddis
galge dikšut
šattuid vai daid sáhttá geavahit dálkkasin dasa masa leat
jurddašuvvon.
Cihkosis albmosii
Álgoálbmot dáiddačájáhus
Canadas cahkkeha jurdagiid