Sámis 33

8 Sámis 33/2021 galggašeimmet seammás hállat vahágiin olbmuid goru­ diidda.” Jos mii áigut ja háliidit burgit politihkalaš juogu iežamet iešmearridandáistalemiin ja -viggamušain, mis lea dárbu geahččat oktanaga sisaguvlui ruovttuidasamet ja servošiiddáseamet olggosguvlui kolonialisttalaš váld­ di vuogádagaide. Numo kwagiulth-dutki Sarah Hunt cealká, dát arenat eai leat sierra, muhto dáhpáhuvvet seamma sajiin, min iežamet eatnamiin, seamma olb­ muid ja seamma gorudiid buohta. Jos mii váldit seamma duođas barggu burgit veahkaváld­ di gaskavuođaid go barggu burgit vuolušteami gaska­ vuođaid stáhtain, mii livččiimet joavdán guhkkelii eamiálbmogiid iešmearrideami ollašuhttimis. “Mii dáh­ páhuvašii,” jearrá Hunt, “jos mii, juohke háve go eamiál­ bmotnissoniid persovnnalaš ráját rihkkojuvvojit mieh­ tama ja lobi haga, livččiimet seamma gergosat doaib­ mat ja vuostálastit dan rihkkosa go mii leat dalle go oljo- dahje gássabohcci uhkida min eatnamiid – min territoriála rájaid rihkkun miehtama ja lobi haga? Mii buvttášeimmet sutnje borramuša, lávlaga ja muitalusa; mii duođas suodjalivččiimet su iešmearrideami ja bea­ luštivččiimet su goruda rájáid, maid giinu lea rasttildan ja vahágahttán.” Dákkár vierru čájehivččii min duođalaš čatnašumi fuo­ lahit guđet guimmiineamet, seammaláhkai numo mii fuolahit iežamet eatnamiin ja geatnegasvuođain maid leat ožžon máttuineamet. Go mii váldigoahtit iešmear­ rideami vuođđoárvun, mii vuođđuduvvá integritehta guovttebealat norbmii – ovttatolmo persovnnalaš ja eatnamiid kollektiiva integritehta – de maiddái vuo­ lušteami gaskavuođaid burgin šaddá vejolažžan. Eami­ álbmogiid iešmearrideamis šaddá min oktasaš proseassa govahallat molssaeavttu, mii čáhkke saji juohke oktii ja gudnejahttá juohkehačča. Ávžžuhusat 1. Áddegoahtit friddja, dihtui vuođđuduvvi ovda­ miehtama guovtti oali ja dan, mo dat čatnasit ok­ tii. 2. Váldit persovnnalaš miehtama norpma oassin sá­ mi iešmearridan- ja FPIC-ságastallamiidda. 3. Doarjut ja aktiivvalaččat ovddidit rievtti ja áddejumi gorutlaš iešmearrideamis almmolaš oktavuođain ja politihkalaš ásahusain. 4. Leahkit seamma gergosat bealuštit ovttatolbmuid gorutlaš rájáid rihkkumiid go iežamet guovlluid ja resurssaid rájáid sisabahkkemiid. Girjjálašvuohta: Hunt, Sarah (2015). “Violence, Law and the Everyday Pol­ itics of Recognition. Comments on Glen Coulthard’s Red Skin, White Masks .” Sáhkavuorru, Native Ameri­ can and Indigenous Studies Association Annual Meet­ ing. Washington D.C. Jacobs, Sue-Ellen, WesleyThomas and Sabine Lang, doaimm. (1997). Two-Spirit People. Native American Gender Identity, Sexuality and Spirituality . Urbana & Chicago, University of Illinois Press. WEA and NYSHM (2016). The Violence on the Land, Vio- lence on our Bodies. Building an Indigenous Response to Environmental Violence . Berkeley & Toronto, Women’s Earth Alliance and Native Youth Sexual Health Net­ work. Wilson, Alex (2015). “Our Coming in Stories: Cree Identi­ ty, Body Sovereignty and Gender Self-Determination.” Journal of Global Indigeneity 1(1).