Sámis 32

36 Sámis 32/2020 Áillohašmáinnašamaid ahte sámi árbevirolaš eallinvuohki lei luonddu ráhkisteaddji vuohki, mas mihkkege ii mannan hohkái ja olmmoš lei oassi luonddus (1985). Sámi sátnevádjasiin vuhtto seammá ideála ahte it galgga váldit eanetgo dárbbašat. Sátne­ vájas lea ain muhtumiidda luonddu hálddašeapmái ráva. Ovdamearkka dihte jus ol­ bmos lea báhcán mannan jagi luossa maid lea vurkkodan gitta dassá go luossabivdu fas álgá, de lohket ahte leat bivdán eanet go dárbu lei. Dahje sáhttá maid leat nubbi sivva, ahte it leat juogadan iežat sállaša. Dalle rávvejit ahte jogo fertet juogadit earái­ guin, dahje doapmat vuoššat guoli ovdalgo bivdoáigi fas álgá. Jus ii várut, de šaddá fuones guollelihku dahje juvssahallá guržui. Dovdomearkan gulahallamii lea dan vuorrováikkuheaddji prinsihppa, mii gáibida olbmo guldalit, oaidnit, geavahit gamusdovddamuša vai bastá sártnodit duovdagii­ guin, geđggiiguin ja muoraiguin nugo Turi čállá. Olmmoš ja olles máilbmi gullet oktii Turi muitalusain. Dán jurddavuđđui gullá ahte buot mii eallá čatnasa oktii, leš dal olmmoš, ealli, šaddu, biras, eana, guovlu, duovdda dahje gomuvuohta. Dáidu guldalit, gulahallat ja eallit ovttas birrasiin sihkkarastá ceavzilis ovdáneami nu ahte olbmuide, eará heakkalaččaide ja birrasii lea ealihahtti boahttevuohta. Áhkáid suolu I & II