Sámis 32

28 Sámis 32/2020 Maiddái lávlagat doibmet giellarepresentašuvdnan. Láv­ ledettiin sáhttá oahppi muitát rivttes sáni. Jos ii muitte sáni njálbmi go áigu jearrat stálu njálmmi birra, de lávlu lávlaga man bajil máhttá: “Čalbmi, čalbmi, njunni, njál­ bmi”. Nu ihtá sátni maid dárbbaša. Lávlagat ja hoah­ kamat sáhttet leat earenoamáš buorre veahkkin nuo­ ramus oahppiide geat eai dáidde lohkat nu bures vel. Ságastallama áigge johtá oahpaheaddji joavkkuid mielde. Son guldala maid oahppit dadjet, muittuha sidjiide sámástit, čujuha sátnelisttuide mat leat távva­ lis dahje báhpáris ja čájeha ahte maiddái lávlagiid bok­ te lea vejolaš muitát sániid. Várra buot dárbbašlaš dajal­ dagat eai leat oidnosis, ja dalle oahpaheaddji čájeha daid mállen: Son muitala mo sámegillii sáhttá maid nu dadjat. Nu ofelastá oahpaheaddji oahppiidis várrugasat ovddos guvlui. Dan láhkai besset dovdat ahte hálddašit nuppigiela ságastallama ja máhttet sámástit. Nu eai dárbbaš geassádit ságastallamis dahje molsut giela. Jos báhcá áigi dan maŋŋá go oahppit leat geargan sárgumis, de sáhttet muitalit maid leat sárgon. Juoh­ kehaš čujuha vuoruid mielde iežas tevnnegii ja dadjá ovdamearkka dihtii “Stálus leat čáhppes vuovttat ja stuorra oaivi.” Leaksun oahppit sáhtášedje oahppat ba­ jil muhtun sániid ja dajaldagaid maid dárbbašit dán stohkosis. Nu muitájit daid buorebut boahtte háve, ja ságastallan johtá vel njuovžileappot. LOAHPPA Buot deháleamosin lea goittotge dat ahte oahppit leat nagodan nuppigillii oassálastit mearkkašeaddji sosiála dilis. Dán dilis sámegiella geavahuvvo ságastallamis dás ja dál, ja nu gielaiduvvet oahppit njálmmálaš gulahalla­ ma bokte, áiddo fal nugo ođđa oahppoplánaid mielde lea oaivvilduvvon. Artihkkalčálli oahpaha sámegiela Deanu sáme­ skuvllas sihke báikkálaččat ja neahta bokte, ja sus lea oahpaheaddjimaster sámegiela didaktihkas Sámi allaskuvllas. 4. Vuogas sánit ja daidda gullevaš govat leat sadjosis. Oahppomateriála ráhkadan ja govven: Ellen Ravna.