Sámis 32

14 Sámis 32/2020 Lars Hættas lei eare­ noamáš čáppa giehtačála. Govven: Johanna J. Ijäs Bergsland 1958:s ja Frette 1982:s Knut Bergslanda transkripšuvdna čuovvu álgočállosiid buori muddui. Son čállá sániid dábálaččat seamma ládje go Hætta ja Bær, heiveha daid dušše da­ lá čállinvuohkái. Muhtun sajiin lea Bergsland normeren sániid ja sátnehámiid. Son lea namalassii muhtumin válljen dušše ovtta čállinvuogi jus sátni lea giehta­ čállosiin čállojuvvon eambbo go ovtta ládje. Bergsland čállá ovdamearkka dih­ te dušše åk’tu vaikko giehtačállosiin sátni lea čállojuvvon sihke ná: akto ja ná: okto . Nuppe dáfus fas son čállá sihke jås ja jus go giehtačállosiin leat variánttat jos ja jus . Bergsland lea maid lasihan tekstii bustávaid ja gehčosiid mat eai leat giehta­ čállosiin. Hætta ja Bær atniba oalle ollu otnon sátnehámiid, sihke vearbbaid ja nomeniid, nugo hæpan (= heahpana ) ja muottag (= muohttaga ). Daid lea Bergsland čállán olles hámis, muhto son lea dábálaččat bidjan roahkkeruođuid sisa daid bustávaid mat eai leat giehtačállosiin. Muhtun sátnehámiid son lea čállán olles hámis roahkkeruođuid haga. Tabeallas 1 leat ovdamearkkat Bergs­ landa transkripšuvnna vuođđojurdagiin.