Sámis 31

Sámis 31/2020 33 áddejumi, empatiija ja beroštumi. Dan leat mediaáššit Agnete Lorås ja Per Arnfinn Persen birra čájehan. MAT LEAT DASTO kommišuvnna višuvnnat ja jurda- gat mo dás galgá šaddat seanadanproseassa? Álgá go seanadeapmi dalle go raporta geigejuvvo čakčamánu 1. beaivvi 2022? Dego njálggisposse spagga dievva dieđuiguin ja čovdosiiguin maid beassat návddašit seanadeami ávvudoaluin? GOAS ÁLGÁ SEANADEAPMI? Álggii go, vai livčči go galgan álgit, dalle go Stuorradiggi mearridii ásahit Duohtavuođa- ja seanadankommišuvnna? DÁRUIDUHTTIN GOVVIDUVVO VUOSTTAŽETTIIN sámiid, kvenaid, norggasuopmalaččaid ja vuovde­ suopmelaččaid váttisvuohtan. Gos dán govas lea ma­ joritehtaálbmot? 2018s almmuhuvvui girji White fra- gility: Why It’s So Hard for White People to Talk About Racism . Čálli Robin DiAnglo guorahallá manne lea USA vilgesolbmuide nu váttis áddet ja oaidnit rasismma mii lea sin riikkas. Mii oaidnit Norggas ollu sullasašvuođaid USA dillái. Dáruiduhttin lea juoga mii maiddái čuozai dážade, ráđđejeaddji majoritehtaálbmogii. Dat čuohcá ain otná servodagas, diehtemeahttunvuođa, oaidnet­ meahttunvuođa ja bilkideami hámis. Mo lea kommi­ šuvdna jurddanšan dán gaskkustit stuorraservodahkii, ja das vuolggahit almmolaš ságastallama? LIVČČII GO SEANADANPROSESSII ávkin jos kommi­ šuvdna livččii eanet oidnosis almmolašvuođas, ja buvttášii eanet dieđuid barggu ovdáneami ja kommišuvnna višuvnnaid birra? Go jo gearddi leat ollu akademihkkarat kommišuvnnas, de livččii maŋimuš 30 jagi álgoálbmotdutkama praksisa mielde lunddolaš boktit álbmoga beroštumi. Diktit olbmuid oasálastit ja addit sidjiide ovddasvástádusa ja oamastandovddu dehálaš proseassaid hárrái iežaset servodagas. GEAT BA KOMMIŠUVDNALAHTUT leat, dálá ja ovd­ deš bargotihtteliid duohken? Mii lea sin historjá? Geat dat leat olbmuid, guđet ávžžuhit earáid mui- talit dan mii máŋggasidda gullá eallima rašimus ja bávččageamos muittuide? Kommišuvnna ruovttu- siiddus čuožžu oanehaččat juohke lahtu birra. Dop- pe leat eanas dieđut mat gullet sin bargoeallimii.