Sámis / Sámen 30

Sámis 30/2019 21 Artihkal lea vuođđuduvvon mu masterdutkosii, "Mii lea sámi gulahallan ja movt dan sáhttá heive- hit sámi journalistihkkii" Sámi journalistihka mas- tergráda álgoálbmot perspektiivvas fágas 2017– 2019, Sámi allaskuvllas, Guovdageainnus. Jus suokkardallá dan vuosttaš dutkangažal­ daga, mii lea sámi gulahallan, de sáhttá álggos jear- rat: "Leago sápmelaččain iežaset jurddašanmálle ja gulahallet go sii eará ládje go eará álbmogat?" Jus leaš nu ahte sápmelaččain lea sierra gula- hallan, ja dat ii leat buohkain njuokčanalde, de čuož­ žila nubbe gažaldat "Leago majoritehta servodat oalát báidnán álbmoga siskkáldas gulahallama ja servodatgulahallama"? Journalistihka lea demokra­ tiija servodagaid vuođđogeađgi ja dat galgá dárb­ bu mielde loktet ovttaskas álbmotdigaštallamiid almmolaš dássái. Journalistihkka hábme servoda­ ga searveoaivila ja danin lea govttolaš jurddašit ahte buot álbmogat besset gulahallat almmolaččat iežaset eatnigillii ja iežaset gulahallanvugiin. Jus sápmelaččat gulahallet eará ládje go majoritehta, de lea dehálaš čielggadit álggos dán gulahallan­ vuogi. Diehtoaddiid válljejin ságáid bokte lagas birra- sis. Mun gulaskudden oahppásiin geat leat čeahpit muitalit muitalusaid, máhttet luohtedajahusaid ja atnet árvvus sámi gulahallama. Eanaš diehtoad- dit geat serve dutkamii leat fuolkkit dahje fulkkiid fuolkkit. Dutkamii serve 7 diehtoaddi geat muitaledje oktiibuot 52 muitalusa ja ovdanbukte 19 dajahusa. Sii gullet Guovdageainno oarjjabeale duovdagiidda ja nu lea dutkan gáržžiduvvon movt dán guovllu ol­ bmot gulahallet. Guorahallen sihke njálmmálaš muitalusaid, luohtedajahusaid ja sámi gulahallandovdomeark­ kaid. Luohtedajahusaid vuoruhin go dain lea dološ sámi gulahallan, mas leat ruohttasat don dološ áigái. Sámi gulahallandovdomearkkat leat sánit dahje doahpagat mat čilgejit iešguđetge gula­ hallanvugiid. Sámi njálmmálaš muitalusat, mat eai leat čállojuvvon gosage, leat muitalusat maid iešguđetge sápmelaš muitala iežas vugiin, herve- min ja nu movt son muitá dáid. Dát golbma suorggi dahke vuođu dutkosis vástidit gažaldahkii; mii lea sámi gulahallan? Ná vástida diehtoaddi Morten Áilu Utsi dán gažaldahkii: JOHAN ÁNTE UTSI Movt sáhttá sámi gulahallama heivehit journalistihkkii