Sámis / Sámen 30

Sámis 30/2019 15 Sieiddevuotna Ávanuori lahka. Lei hui čába dálki, liekkas ja beaivvadat. Badjel 20 gráda. Beanta báhkka beaivi Sámi standáriid mielde. Ledjen jođus Ávanuorrái (Havøysund). In leat goassige ovdal doppe fitnan. Dál de ledjen mearridan fitnat geahččamin beakkán bieggamilluid ja boradit Arctic View-nammasaš restauranttas. Muhto in fidnen idjasaji Ávanuorrái, de gárten logemat kilomehtera ov­ dal gávpoga bisánit, ja baicce vuodjit mohki gávpoga, bieggamilluid ja vii­ dát gulastuvvan restaurantta bokte eahkedis. Ijastadden ođđaáigásaš rorbu-viesus Sieddevuonas (Myrfjord dárogillii). Unna vuonaš man ii oppa oain­ ne ge geainnus. Go vatnasiin lea jođus, de gal várra fuomášivččii dan, muhto lea gal sihke baski ja ceakko váriid gaskkas. Ledje dievva latvialaččat doppe muinna oktanaga dán áigásaš lusta-dorskebivddus, iige ieš rorbua birra leat mihkkige maid dadjat, earret go ahte lei áibbas dohkálaš idjadansadji. Muh­ to báikenamma dagai mu diehtoáŋgirin. Sieiddevuotna. Álgen smiehttat vuona birra olggumuččasDeanuvuonas, gos sihkemu áhčči, eahki ja dievva eará sieiddálaččat ja eará deanulaččat ja eará čáhcegátolbmot ledje leamaš guollebarggus máilbmesođiid gaskka; nammalassii Sieidavuo­ nas. Finnkongkeila dárogillii, muhto gullá dárogiel namas ge ahte das lea sá­ mi čanastat – mahkáš ovddešáige sámegonagassii. Mearrasápmelaččaid han gohčodedje sjøfinn, ja badjeolbmuid gis fjellfinn. Ii leat dattege diehtu ahte lei go gal oppanassiige sáhka sáme gonagasas, várra baicce sieiddis dego sá­ megielat namas ádde. Ja Sieidavuona sieidi ii dáidán leat albmá namas, muh­ to soittii leat vuolgán ovtta min áhká-namain; jogo Sáráhkká, Uksáhkká dahje Juoksáhkká, nappo dárogillii áddejuvvon “finnekone” – sámeáhkku.