Sámis 29

40 Sámis 29/2019 Márena šlundivuohta lea ja atnigoahtá Márena eanet árvvus. Maiddái okta luohká bivnnuheamos nieidda- in bovde Márena iežas mielde skuvlla juovlafestii ja nu Máren beassá viimmat earáid searvái. Dan sáhttá dulkot muhtunlágan rievdadussan. Giela dáfus romána lea hui duostil ja ođđaáigásaš, ja dat lea čielgasit heivehuvvon nuoraide. Girjjis seksu- alitehta ja eará tabuáššit, nu mo anašeapmi ja mánno- dávda, govviduvvojit rahpasit ja dárkilit. Muhtumin mun-muitaleaddji viggá geahpidit dáid fáttáid sevdn- jes humoriin ja ironiijain. Girjjis geavahuvvojit nuorai- de muđuige dábálaš gulahallanvuogit, nu mo oanádusat ja teakstadieđut. Erenoamážit teakstadieđut leat chick lit jr. -girjjálašvuođas dábálaš stilisttalaš gaskaoapmi. FÁTTÁT Románas sáhttá mu mielas sirret guokte váldofáttá: rávásmuvvan ja iešdovddu hástalusat. Maiddái seksu- alitehta, alkoholisma ja givssideapmi leat guovddážis. Dáin fáttáin erenoamážit seksualitehta, iešdovdu ja rávásmuvvan leat mihtilmas fáttát chick lit jr. -šáŋŋeris. Čiekŋudan goittotge dán guovtti váldofáddái, maid lean namuhan, dasgo eará fáttát leat mu mielas čadnon dáid fáttáide. Rávásmuvvamii gullá erenoamážit dat, ahte olm­ moš šaddá iehčanasan. Nu mo chick lit jr. -váldoper- sovnnat dábálaččat, maiddái Máren áiggošii rávásmuv- vat jođánit. Son vuordá sakka iežas 18. šaddanbeaivvi. Orru, ahte rávásmuvvan ovddasta sutnje ođđa eallima ja álggu (vrd. omd. s. 107). Erenoamážit dat, ahte Máht- te lea ollu boarrásat go son, dahká, ahte Máren navdá ahkeerohusa sivvan dasa, manne sudno oktavuohta ii leat nu buorre: jus Máren livččii boarrásat, dalle so- ai sáhtášeigga leat albma, almmolaš párra. Máhtte goit- totge čielgasit ávkkástallá Márena váttes eallindili iige aŋkke romána álggos oro, ahte sudno oktavuohta livččii dásseárvosaš. Heajos oktavuođas fuolatkeahttá Máren álo máhccá Máhte lusa, dasgo son lea su áidna dorvu biepmu ja miellagovahallama lassin (vrd. omd. s. 57, 80). Nubbi sivva, mii soaitá guovddáš motiiva máhc- cat Máhte lusa, lea seaksa: mu dulkojumi mielde Má- ren soaitá dovdat, ahte dat lea okta áidna osiin su ealli- mis, man badjel son oažžu ja sáhttá ieš mearridit (vrd. omd. s. 125). Máhte lassin Márena eallin juhkkis etnii- nis movttiidahttá su rávásmuvvat, vai son sáhtášii fár- ret eret ruovttus.. Románas dattetge govviduvvo bures, mo nuorra nissona vuordámušat rávásmuvvama ektui eai ollásit doala deaivása. Rávásmuvvan ii leat álki, iige olmmoš šatta ođasin ovtta beaivvis, vaikko nu doivošii. Márena iešdovdui váikkuhit sihke givssideap- mi ja olggušteapmi. Skuvllas Máren ii leat buresboah- tin earáid searvái ja luohká nieiddat cielahit su fasttes láhkai. Givssideapmi ja olggušteapmi dáhpáhuvvaba goittotge maid ruovttus ja Máhte luhtte. Márena ead- ni gohčoda Márena buoidin ja fuorrán (vrd. s. 98). So- aitá justa eatni dihtii, manin Máren buohtastahttá iežas fuoráin: ”mun gii lean dat áidna riehpu gean [Máhtte] sáhttá fidnet, gii ii váldde mávssu” (s. 79). Máhtteges háliida doallat sudno oktavuođa čiegusin, iige son fuo- la Márena mielde iežas skihpáriid lusa dahje márkanii. Orru, ahte ii oktage beroš Márena dovdduin ja ahte son lea measta dego oaidnemeahttun buohkaide. Dat daga- ha, ahte Máren dovdá iežas romes jiehtanassan, buoid- des sirkuselefántan ja hamburgerprinseassan (vrd. omd. s. 58). Son sivaha iežas olgguldas hámi das, ahte sus ii mana nu bures eallimis: son geahččala oažžut bulimii- ja vai ruoinnašii ja sáhtášii eallit buoret, ”sexy nieiddaid eallima” (vrd. s. 59).