Sámis 29

24 Sámis 29/2019 ČOALLEJÁVRI Dát lei ovdalmohkki jogas, muhto šattai jávrin go johka njulgii čađa dievá vulos gu- vlui. Jávri oaččui dalle nama Čoallejávri, go lea dego čoalli. LUONDDUNAMAHUSAT SKUVLLAIN Min luondu lea numáŋgga láhkái hábmejuvvon duháhiid jagiid badjel. Áig- giid čađa leat dát iešguđet hámit ožžon namahusaid mat muitalit luonddu erenoamášvuođaid. Sámegiella lea hui rikkis erenoamážit mii guoská áiddo luonddu erenoamášvuođaide. Mii dovdat beaivválaš hállamis omd. sániid nugo: várri, dievvá ja ávži , muhto dovdatgo mii gielas, boldni ja beaski lea. Sámegielas leat ollu sánit mat muitalit luonddu hámiid dárkilvuođa. Mii leat álgán vajáldahttit daid go beaivválaš hállamis eat gula šat daid sániid, ja soaitá leat dušše vuorraset geardi vel mii hálddaša daid. Maiddái vuođđoskuvlla 10. luohká gelbbolašvuođa mihttomearit servodat­ fága oahppaplánas geografiija fágas gáibiduvvo: • oahppit galget máhttit čilget sámegielnamahusaid luondduhámiin ja sámegiel báikenamaid • lohkat, dulkot ja máhttit geavahit sihke bábir ja digitála kárttaid, miht- tolávaid ja kártamearkkaid ja buohtastahttit árbevirolaš ja ođđaáigásaš vugiid mo galget meahcis dádjadit. Mis eai gávdno makkárge girjjit eaige veahkkeneavvut gos luonddusánit leat čohkkejuvvon ja dárkilit čilgejuvvon (definerejuvvon). Danin lea girjeprošeakta "Sámi luonddunamahusat" álggahuvvon .