Sámis 27-28
6 Sámis 27–28/2018 Govas dalá Kopinor direktevra John Willy Rudolph Kárášjogas 2012, ávvudeamen Sámikopiija vuosttas 10 jagi. Rudolph rávvii ja veahkehii sámi vuoigŋa duoji buvttadeaddjiid ásahit Sámikopiija. Dát organ iseren lei eaktun dasa ahte mii sáhtiimet ovddidit buhtadusgáibádusaid ee. sámi girjjiid máŋgema ovddas. VUOIGŊADUOJI MÁŊGEN Logi jagi ovdal go mii lihkostuvaimet sámi máŋgen- dahje kopibuhtadusain, de ledje Norggas soahpan stáhta ja vuoigŋaduoji organisašuvnnat mo ruđalač čat buhtadit teakstaduoji máŋgema ee. skuvllain. Jagi 1992 lágideimmet mii Kárášjogas vuoigŋaduodje seminára veahkkálagaid muhtin guovddáš dáža servviiguin. Čoavddaolmmoš lei Kopinor direktevra John Willy Rudolph. Seamma Rudolph bures dovd- dai Kulturdepartemeantta ekspedišuvdnahoavdda Helge Sønneland, virggis 1991 rájes gitta 2000 rádjái. Sønneland oassálasttii seminárii, ja lohpidii departe meantta doarjaga dalán go mii leimmet soahpan dáža organisašuvnnaiguin sirdit kopibuhtadusas oasi sámi vuoigatvuođaorganisašuvnnaide. Jagi 1992 naga dii Kopinora John Willy Rudolph oažžut buot dáža 22 organisašuvnna dohkkehit dan ahte 1% kopibuhta- dusas Norggas gullá sámi oamasteaddjiide. Dan kopi buhtadusoasi galgá Sámikopiija hálddašit. Jagi 1994 vuolláičáliiga dasto Sámikopiija ja Kopinor soahpamuša mii dovddastii 1% Norgga kopibuhta- dusas gullat sámi vuoigatvuođalaččaide. Nu Kopinor sirddii 1994:s vuosttas sámi kopibuhtadusa 1993 ja 1994 jagiid ovddas, submi NOK 887.265,-. Jagi 2018 dagai sámi 1% NOK 2.097.797,-. Dán supmis sird- dii Sámikopiija 83% servviide. Searvvit geavahit de buhtadusruđaid stipeanddaide. Čakčat 2018 leat Sámikopiija ja Kopinor ođasmahttán jagi 1994 soahpamuša. Sámi buhtadusproseanta Norgga bealde joatkašuvvá. Dás oainnát mo searvvit juogadedje dán jagi kopi- buhtadusa. SÁLAS/goasttideaddjit 39,92 697.721 SFS/fágagirjjálavuohta 29,73 519.620 SJS/Journalisttat 7.39 129.162 SGS/Čáppagirjjálašvuohta 4,30 75.155 SKS/Komponisttat 3,83 66.941 SDS/Govadáiddárat 14,83 259.198 Buohkanassii 100 1.747.797 NORGGAS BUHTADUS, MUHTO II SUOMAS IIGE RUOŦAS Sámikopiija barggai dasto máŋga jagi oččodit Ruoŧa ja Suoma organisašuvnnaid čuovvolit Norgga ovda mearkka, namalassii mearridit oasáža dáid riikkaid kopibuhtadusas sámi oamasteaddjiide. Eai dan gal eahpidan ahte sámi girjjiid ja teavsttaid máŋgejit maiddái Suomas ja Ruoŧas. Mii dattetge eat lihkostuv van gáibádusain ahte sámi buhtadusruhta manašii
RkJQdWJsaXNoZXIy NDI2ODk=