Sámis 27-28

4 Sámis 27–28/2018 JOHN T. SOLBAKK Girjerádjosa girjjiid luoikkahat don nuvttá. Kultur­ departemeanta lea soahpan čálliservviiguin buh­ tadit dán geavaheami. Dakko bokte sáhttet čállit oažžut stipeanddaid iežaset searvvi foanddas. Sámi čálliidsearvvit almmuhit juohke jagi ohcan­ láhkái stipeanddaid. Dán gova girjjit leat Girjjálaš­ vuođaguovddáža girjegávppis Kárášjogas. De sáhtát. Muhto vástádus bajilčállaga gažal­ dahkii livččii maiddái vástádus dása: ”Geasa gullet sámi buhtadusruđat?” Dáinna čállagiin áiggun čilgestit duogáža Sámi girjerájusbuhta­ dussii ja Sámi kopibuhtadussii. Dát leat buhta­ dusortnegat mat álgo 1990-jagiid rájes leat doaibman Norgga beale Sámis. Ammal de dás buorre muddui čielgá geat sáhtášedje oažžut sámi čállistipeanddaid dieid ruđaid olis. Dás mun geavahan Sámi fágagirjjálašfoandda ovda­ mearkan, go dát foanda lea stuorimus čállifoanda otne, oažžu omd. dán jagi sullii 900.000 NOK buhta­ dusruđaid. Searvi geavaha dasto jahkečoahkkimii ja hálddahusgoluide sullii 400.000 NOK. Stipeanddaide sáhttá dalle várret vaikke bealle million NOK. GII OAMASTA SÁMI TEAKSTADUOJI? Vuosttamužžan lei dehálaš dat ahte mii nagadeimmet 1990 álgojagiid ásahit sámi buhtadusortnegiid soaba­ dettiin Norgga Kulturdepartemeanttain ja Norgga vuoigŋaduoji organisašuvnnaiguin. Hárve lea leamaš álki juksat áddejumi Norgga ásahu- sain dasa ahte sápmelaččat galget meannuduvvot seamma láhkai go dáža álbmot ja sin organisašuvnnat. Sáhtán go mun ohcat dis čállistipeandda? Dáža vuoigatvuođaorganisašuvnnain ledje sii geat eai lean mielas dasa ahte dovddastit sámi čálliide vuoigatvuođaid ja buhtadusaid dan ovddas go čállet ja almmuhit sámegillii. Min fuomášupmi sidjiide lei ee. dát: Guđemuš dáža čállisearvi ovddasta sámi čálliid beroštumiid, lei dal čáppagirjjálašvuođas dahje fága­ girjjálašvuođas sáhka? Vástádus dasa lei čielggas: Ii oktage! Go mis leat min iežamet vuoigŋaduoji orga­ nisašuvnnat, dalle leat dat mat ovddastit sámi čálliid beroštumiid ja suodjalit sin vuoigatvuođaid. Manne teakstaduoji oamasteapmi ja vuoigatvuođa­ gažaldat lei ja lea nu dehálaš? Dieđusge dan sivas go girjjiid geavaheapmi maiddái buktá oamasteaddjái ruđalaš árvvu. Nu šattai omd. Kulturdepartemeanta soabadit sámi vuoigatvuođalaččaiguin dan ovddas go girjjiid luoikkahit ja geavahit girjerádjosiin Norggas.