Sámis 27-28

Sámis 27–28/2018 3 SÁMIS Nr. 27–28 Juovlamánnu 2018 I SSN 0809-7410 Sámi čálakultuvrralaš áigečála, man ČálliidLágádus almmuha Sámi fágagirjjálaš čálliid- ja jorgaleaddjiid- searvvi (SFS) ovddas. Dán nummira doaimmahus / Harald Gaski John T. Solbakk Ruhtadeaddjit Norgga Sámediggi (Sametinget i Norge), ČálliidLágádus ja/og SFS. Sámis artihkkaliid ja govaid ii oaččo almmuheaddji, čálli dahje govvi­ deaddji lobi haga almmuhit. Gráfalaš bargu Studio Borga, Ohcejohka/Utsjoki Deaddilan Waasa Graphics Oy, Vaasa Sámis lea nuvttá. Dan sáhttá maiddá diŋgot almmuheaddji neahttagirjegávppi bokte. www.lagadus.org Sámis artihkkaliid sáhttá maiddái lohkat dás www.samifaga.org Dearvuođat doaimmahusas De viimmat fas goaikkiha – Sámis! Doivo ahte dii lehpet ohcalan dan, go muđui gal šlundo veaháš. Olles ulbmil áigečállagiin han lea duhtadit sámegiela berošteaddjiid ja áŋgiruššiid, geaid logu moai doivo lassánit go gávdnojit ollu ja máŋggašlájat lohkosat sámegil- lii, ja sámegielaide. Dađebahábut mii eat ožžon Sámedikki searvat min jur- dagii ahte almmuhit Sámis-magašiinna golmma gillii sierra nummiriid bokte, de oaidnit leš mo mii čoavdit dan ášši ovddosguvlui. Dát nummir gal dušše davvisámegillii, mii lea duppalnummir dan dihtii go giđđageasi ii ilbman Sámis. Doaimmahusa bealis mii doaivut ahte juohkehaš gávnnašii juoidá masa liiko, go dán vuoro ii leat mihkkige erenoamáš fáttáid. Mis leat čállosat stipeandaohcamušaid hárrái, mis leat girje- ja teahterpresentašuvnnat, ja mis leat historjjálaš muitalusat sihke govaid ja teavsttaid bokte, ja mii guosk- kahat sihke sámi rap ja geažidemiid, lassin ovtta jorgaluvvon bihtá inuihtta- performánsačájálmasa birra. Boahtte nummirii, mii ilbmá 2019 geasi, mii áinnas dáhtošeimmet artihkka- liid sámi ja eará álgoálbmotgielaid ja gielladiliid birra, go 2019 lea ONa álgo­ álbmotgielaid čalmmustahttinjahki. 2019 čavčča leat Tuiskkas Frankfurt girje­ meassut, mat leat máilmme stuorámus girjemeassut. Dan jagi lea Norga dat riika mii oažžu erenoamáš fuomášumi, mii mearkkaša ahte norgga girjjálaš­ vuohta ja kultuvra beassá govdát ja oidnet meassuin. NORLA – mii lea dat ásahus mii promotere norgga girjjálašvuođa olgoriikkaide – lea mearridan ahte norgga girjjálašvuhtii gullá maiddá sámi girjjálašvuohta. Dan dihtii bovdejuvvojit sámi lágádusat ja čállit meassuide, ja muđui doaluide miehtá jagi, presenteret iežaset ja sámi kultuvrra viidát. Dan olis livččii somá Sámis áigečállaga bealis fállat min lohkkiide ođđa ja ovdalis deaddilkeahtes čállosiid sámegillii. Bovdet dan dihtii sihke čáppa- ja fágagirječálliid sáddet čállosiid doaimmahussii; noveallaid, muitalusaid, divttaid, fearániid, esseijaid jna. Mii árvvoštallat ja hui mielas deaddilat nu olu čállosiid go oppanassiige vejolaš ruđalaš ja olmmošlaš návccaid dáfus. Dasto ii leat eará go sávvat buori lohkanmovtta, ja oaidnaleami boahtte jagi. John T. Solbakk Harald Gaski