Sámis 27-28

16 Sámis 27–28/2018 GOVAT LEDJE HEŊGEJUVVON muorrapláhtaide hui vuogas láhkai, nu a0hte šattai ollu áibmu lanjas, muhto lei maid sadji ollu dáidagii. Dás Berit Marit Hætta ja Hans Ragnar Mathisen govat. guldalit loddesymfoniija. Ja de galggai fas ruovttoluotta vázzit ja váldit toga go dal lei geargan guldaleames. Jus oktage imašta: mun in dábálaččat vácce meahciid. In ge váriid. Aiddo dal de dohkkehan vázzit čievrágeaidnu alde, muhto liikon buoremusat go lea asfalta. Ja go beasan siste čohkkát. Moai Johan Turiin letne gal ovttaoaivilis máŋgga áššis, muhto aiddo dien várreáimmu gal oažžu ieš okto návddašit. Muhto dat masa mun dál liikon, akademihkárgávpotsámemánná nu go jo lean, dat lea dálááiggedáidagii. Ja jus fuomášan ahte sáhtan vásihit dáidda­ dáhpáhusa maid in leat goassige ovdal iskan, de gal mun ge cokkan iežan vuohkkasemos meahccevázzinčuvla ja vuolggán johtui. Eará go ahte mu vuohkkasemos meahccevázzinčuvla gal ii dohkken go ledje measta golb­ malot lieggagrada, de fertii šaddat nubbivuohkkasemos. Áhkkorohkki gal lei jierbmái ja cokkai buvssaid go manai meahccái, vaikko muđui álo led­ je čuvllat, muhto mus gal ii. Áhkkorohkki gal maid várra livččii imaštit jus oaidnit min doppe meahcis vázzimin, go galggaimet johtit njozet ja ”meditatiivvalaččat”, dat maid eaŋgalasgilli lea álgán gohčodit ”forest bat­ hing” (meahccelávgun) ja mii sámegilli várra lea joavdelastit. Sáme dáidagis leat máŋga vejolašvuođa, máŋga vuogi mo čađahit dan, vaik­ ko juste dál ja dás in aiggo álggahit ságastallama ahte lea go buot dáidda maid sáme dáiddár ráhkada sáme dáidda – mun oaivvildan ahte lea, vaikko son ieš ii soaitte álo leat ovttaoaivilis – muhto go leimmet doppe dan meah