Sámis 26

22 Sámis 26/2017 11. Buođu sámegiel dohpa­ gat. 11. Stengselfiskets prinsipp med noen av de samiske fag­ termene. Kárta/Kart: ČálliidLágádus. DÁKKO VUOVDAGUOIKKA BOKTE lea Deatnu beanta govdat, de rastá­ buođđu lei stuorra ráhkkanus mas vissásit lei sihke meardi ja joddu. Mearddi geavaheapmi buođus lea lasihuvvon ođđaáiggis. Meardi-sátni lea eahpitkeahttá davviriikkalaš loatna, ”merđr”. (Bokmålsordboka 1986, s. 375). Rastábuođđu gildojuvvui 1872/73. Govva 10. Meardebuođđu ii leat šat geavahusas, muhto buođut gal ain geavahuvvo­ jit sihke Deanus, Ohcejogas ja Kárášjogas. Govva 11, 12. Bávttajogas ja Kárášjogas leat guokte báikenama mat muitalit buođđuma birra: Sárregándda buođđonjavvi. Báikenamma muitala dan ahte dákko lei Sárregánddas buođđu. Sárregánda – Samuel Samuelsen Måsø (1822– 1902) lei geafes meahcásteaddji, de su buođđu gal lei muhtunlágan gáddebuođđu mas lei doaris ja joddu. Seammalágan buođđu lea leamaš Buođđosajguoikkas, mii lea Kárášjogas sullii miilla máttaoarjjabeal Beaiv­ vašgietti. Maŋemus birrajagi ássi Beaivvašgiettis lei Hans Sollien(r. 1900), gii lávii buođđut dán guoikka. (Njálmmálaš dieđuid addán Hans Petter Boyne ja Svein Nordsletta). Lea miellagiddevaš gávnnahit ahte buođđosajit maiddái leat šaddan báikenamman. Dat duođašta daid deaŧalašvuođa guovllu birgenlágis. Govva 13. 12. Buođđu Njallavárnjavis Hillágura buohta. 12. Stengsel i Njallavárnjavvi. Govva/foto: Mihkku Solbakk.