38 / 60
38
Sámis
15/2014
John T. Solbakk
Raporta Genevas
Dráma go
WIPO
lávdegotti presideanta
šluppohasttii Ruoŧa
ambassadevrra
Ii leat álki suddjet árbevirolaš máhtu ja kultuvr
raid. Ovttastahtton našuvnnaid WIPO sierra
lávdegoddi lea 14 jagi juo bargan árbevirolaš
máhtu ja árbevirolaš kultuvrraid buktagiid
suddjemiin. Ain rahčá hástalusain man vii
dát riikkaidgaskasaš soahpamuš galggašii
fátmmastit.
Čoahkkimis dán giđa Genevas WIPO (World Intellec-
tual Property Organisation) lávdegottis gohčoduvvon
Intergovernmental Committee on Intellectual Proper-
ty and Genetic Resources, Traditional Knowledge and
Folklore
, šluppohasttii lávdegotti jođiheaddji Wayne
McCookRuoŧa Geneva ambassadevrra ja bissehii su
sáhkavuoru. Jođiheaddji áittii luohpat lávdegotti 14
jagi barggu dasa, ja sáddet buot riikkaid ja NGOaid
ovddasteaddjiid ruoktot.
– Mii leat gusto duššás geavaheamen buohkaid divr-
ras áiggi. Jos Ruoŧa ovddasteaddjis ležžet Stockholm-
mas sierra
instruvssat
, de ávžžuhan daid buktit min ov-
dii ihttážii, vai olles lávdegoddi diehtá maid eavttui-
guin mii leat bargamin. Nu beaškalii jođiheaddji ja áit-
tii luohpat jođihandoaimma.
Maid oaivvildii Ruoŧŧa?
Viimmat lei muhtin gii njuolgga dajai mii lei ON miel-
lahttoriikkaid ulbmiliid lávdegotti bargguin. Ruoŧa
ambassadevra álggahii sáhkavuorus ná – dieđusge
diplomáhtalaš sárdnunvuogi mielde ja eŋgelasgillii:
“Ruoŧŧa sávvá buresboahtima lávdegotti bohtosiidda,
ja doarju riikkaidgaskasaš
ii-geatnegahtti
juridihkalaš
soahpamuša. Dan ektui mii ge bidjat buot searaidea-
met ...” Guhkkelii ii ollen Ruoŧa ovddasteaddji ovdal
go presideanta časkkii šluppoha beavdái, ja dáhtui dieh-
tit makkár instruvssaid ovddasteaddji lei ožžon Stock-
holmmas.