Sámen 2

8 Sámen 2/2017 ko. Gå ælla tjálálasj gáldo dan birra, de aktak ij máhte diehtet mij le duohta. Mån iv le gávnnam tjálálasj gáldojt ma giehttu gåstå dat namma Renberg boahtá. Ájnnasamos gálldo leThomas, sån nuorap, gut javllá Renberget gávnnu svieriga bielen, Tärná suohkanin. Valla Thomas, sån vuorrasabbo, suj­ na ij lim álgos duot namma Renberg. Goappátja såj, sån ja Elsa divojga nabdasnamájt gå válldujga. Ja lehkus siv­ va mij le, gå namájt målsojga: Feminissta muv sinna, dat ávvudallá! Elsa ij lim Bonakasan Dænon giesset 1919, valla gies­ set 1920. Ávijssa man namma Tromsø lij duodaj rádjam reporterav dåk dan sáme tjåhkanibmáj Lulle-Finnmár­ kon. Sån tjálij guhka ja smájvvudum referáhtav dat tjåh­ kanimes ja moahtten sajen nammadallá Elsa Renbergav. Ja hánj de vil tjállá ållåsijt suv hålav dan tjåhkanimen. Valla, vuostasj ja stuorámus gatjálvis mij guosská El­ sa Laula biográfijaj, le suv álggo. Gånnås le sån regá­ dam? Ulmutja dan sajen gånnå sån riegádij, máhtti javl­ lat: Dát le Elsa Laula riegádimsadje. Dan bájke viesáda máhtti dåbddåt Elsa le sijá edesik unnán. Moadda báj­ ke li da, ma li degu válastallam Elsa riegádimsaje hár­ ráj. Vilhelmina, Tãrnaby ja Trallerud mij Le Susendá­ len, da li nammadum Elsa riegádim sadjen iejs gen ga tjálálasj gáldon. Ja mån diedáv aj majt Elsa le giehttum ietjas mánájda: – Mån riegádiv Tralleruvdan, Susendalen. Valla Vilhelmina girkkogirjje subtsas Elsa le gástadaum dan girkkon gå lij dåssju gålmå biejve vuoras. Mån lev gæhttjalam åhtsåt moadda vásstádusá gåktus dá guokta diedo máhtteba hiehpat tjoahkkáj. Jus Elsa ájtu riegádij 29. biejve basádismánon, de mannaba dá guok­ ta diedo vuostálakkoj. Gå girkkogirjje Svierigin tjállá sån gástaduváj nuppat biejve javllamánon, de dat galla le duohta. Jurra dat sådnåbiejvve lij girkkojage vuostasj. Dan diet, de le jáhkedatte báhppa viertti tjállám riekta girjjáj galládin dat biejvve lej. Mån ussjoliv akti ihkap Elsa riegádumbiejvve soajttá tjá­ ledum boasstot. Ihkap sån farra le riegádam 29. biejve gålgådismánon? De sjaddat lij guhkep ájgge fámiljaj, mánno ja gålmmå biejve, boahtet giellasa badjel Susen­ dáles gihtta Vilhelmináj – aktan aj njuoragijn. Jus dal giesseguohtom lij vuona bielen ja dálvveguohtom svie­ riga bielen, goassa jagen lij de dábálasj jåhtet? Makkár ietjá fámiljaj siegen jådij Laula-fámilja? Lidjin gus dal vieledit mánná galggá riegadit gå dal ruvva jåht­ tåt elujn? Dajna vuogijn jåhttåt árabut gå iesselis nissun ruvva vierralimen gå nåhkå basádismánno? Gávnnujin da tjálálasj gáldo – Svierigin. Riegádum- ja gástadumgirjen le tjáledum gudi li fámilja, gudi fádda­ ra ja gånnå mánná gástaduvvá. Tjallagijn goahtegulás­ kuddamij birra, li aj oarbbena ja genga årrombájke nam­ madum. Mån iesj gal iv máhte dale dakkár gáldojt låh­ kåt ja duodap vil riekta dádjadit mij dal ánj tjuodtju tjá­ ledum. Dan diehti gatjádiv mån ietjam gáldojs oarjjelsá­ me dáfojn jus diehti nágin historihkkárav mij máhttá muv viehkedit. Sij nammadin åvtåv gen namma Peter Ericson.