Sámis 33

38 Sámis 33/2021 LUOHTI Agnia, Elisabeth, Kai ja Leila leat ovttastahttán sin beroštumiid sámegiela ja luođi oahppamis. Dán lea dahkan vejolažžan pandemiija: Iŋgor Ántte Áilu Gaup ii sáhtte mátkkoštit oahpahit juoigangurssaid, ja nuba son oahpaha dál Zoom-videoiguin. Go oahppá juoi- gat, dat veahkeha giellaoahppamage: oanehaš luohte- teavsttat nuohtaiguin leat álkit muitit, ja seammás dat doaibmá sámi kultuvrra ovdanbuktiminin ja lea buorre vuohki birget pandemiija áigge. Kai dadjá, ahte juoiga- miin gávdná iežas sis-jiena ja ádde buorebut sápmelaš kultuvrra. Das lea juoidá oktasaš buot olbmuide, ja sut- nje ovddasta juoigan makkár eallin lea árktalaš máilm- mes. Dego eará ge álgoálbmotkultuvrain máilmmes mat rahčet ealihit árbevirolaš máhtuid. MOVT MII OAHPPAT & MAID MII DAHKAT Danne go mis ii leat oahpaheaddji, mii veahkehit guđet guimmiideamet nu bures go máhttit. Muhtimat leat ea- net oahppan go álggahallit, geat eai máhttán ollege sá- megiela ovdal Ville Söderbaum kurssa. Ovdánan lahtut sáhttet vástidit eanas oassái álggahalliid gažaldagaid, ohcat ieš lassedieđuid giellaoahppa- ja sátnegirjjiin dahje Korpas, dahjege bidjat gažaldagaid ságastallan- jovkui Facebookas ja Discord-heivehusas... Mii álggaheimmet geardduhit Ville Söderbaum kurssa­ materiálaid oktii vahkus ja vuogáidahtiimet eará oahppomateriálaid juohke nuppi vahkkosaš čoahkki­ ma várás. Dan botta buohkat evttohallet jurdagiid dasa, maid háliidivččiimet maŋŋil dahkat. Mii lohkat ja jorgalit juohkelágan sámegiel teavsttaid dego divttaid, lávlagiid, govvaráidduid ja mánáidgirjjiid. Mii lohkat muhtimin maid ossiid earálagan girjiiin dego Muitalusat (Lars Hæt- ta ja Anders Bær). Mii leat maid hui giitevaččat Harald Gaskii ja Iŋgor Ánt- te Áilu Gaupii, geat leaba boahtán min guossái Zoomii; ja Risto Langoi maiddái. Lango logai midjiide teavsttaid Ville kurssa áigge. Gaski juogadii minguin iežas teavstta, Sieiddáguoika ja Sáidenjavvi Deanus. De son logai dan minguin ja muitalii máŋga miellagiddevaš ášši teavst- ta ja máinnastandáidaga birra. Gaup juoiggai midjiide Guovdageainnu luođi ja báddii iežas lohkamin Silba- mánnu-mánáidgirjji, nu ahte beasaimet hárjehallat jiet- nadeami dan mielde. Beroštupmi ja árvvusatnin eará sámegielaide lea seammás beroštupmi eará unnitgielaid dilálašvuođai­ de maiddái. Eat sáhtte oahppat buot unnitlogugie- laid, muhto mii háliidit veahkehit ealihit daid. Sven lea oahppan veahá allasorbiagiela (hállojuvvon Duiskka nuortta bealde) ja ladiniagiela (Álppain davvin Itálias) maiddái; ja muhtimat mis leat beroštuvvan (retoromá- nagillii), mii lea Sveicca njealját riikkagiella. Oahppo- materiála lea váttis fidnet, ja mii háliidivččiimet veah- kehit sihke skáhppot oahppomateriála ja movttiidaht- tit oahppat gielaid, nu ahte eanet aht’ eanet olbmot fuomášivčče sámegielaid čábbodaga, mii lea oalle láh- kai váikkuhan midjiide.