Sámis 33

32 Sámis 33/2021 B UOT ÁLGGII GIĐA 2020 davvisámegiela neahttaálgokurssas, man ordniiga Sámi oahppolihttu ja Guovdageainnu Sámi Searvi. Oahpaheaddji lei Ville Söderbaum Sámi Alla­ skuvllas. Álggos ledje badjel 140 oassálasti máŋgga riikkas. Kursa bisttii 12 vahku, ja loahpas ledje báhcán ain sullii 70. Dás oidno, ahte beroštupmi sámegillii lea stuoris, ja kurssa oahpahus eŋgelasgillii lei menestuvvan. Oassálastit čađahedje vahkkosaš iskosiid ja ožžo duo­ đaštusaid kurssa maŋŋil. Kurssa áigge sii ledje aktiivva­ laččat maid Facebook-joavkkus, gos juogadedje re­ surssaid ja jerre gažaldagaid. Dán ealas joavkkus mii čiežas mearrideimmet álggahit iežamet oahppojoavkku ja geardduhit kurssa ovttas. Mii deaivvadit Zoom-video­ heivehusas guktii vahkus oahppandihte sámegiela viidá- seappot. RASTTILDEAMEN RÁJIID Mii eat leat deaivan guđet guoibmámet. Mii orrut Kali- fornias, Floridas, Duiskkas, Hollándas, Norggas, Ruoŧas ja Šveicas. Mis buohkain leat máŋggalágan duogážat: álbmotlašvuohtamet (našunalitehtaid) lassin mis leat kroatialaš, suopmelaš, dárrolaš, ruoššalaš, sápmelaš ja skotlándalaš ruohttasat. Ovttas mis lea áddejup- mi mángga gielaide ja garra beroštupmi oahppat ain eambbo. Muhto manne bat mii háliidit oahppat juste sámegiela? SÁMI RUOHTTASAT Čalbmáičuohcciseamos sudja leat sámi ruohttasat. Dát dihttui gulaskuddamis kurssa áigge, ja dat gusto maid golbmasii min joavkkus: Agnia, Kai ja Leila. Sii ohppe ruohttaseaset birra easka rávesolmmožin. Čieža geainnu Sápmái Agnia Holland, Elisabeth Berg, Kai Johnson, Karl Chan, Leila Aissat Isung, Sven Kannengiesser ja Wenke Brenna leat čállán vuos eŋgelasgillii ja ieža jorgalan davvisámegillii.