Sámis 33

30 Sámis 33/2021 de lei áhčči jo cahkkehan dola álli vuollái ja vuoššamin káfe. Mun maid badjánin ja čohkkedin dollagáddái. Go dal liegga káfe, masa vel ledjen cáhpan moadde goike­ buoidebihtá, bessen jugistit, de ledjen vajáldahttán dan galbma ija. Dán iđit lei čová­ dat ja iđitbeaivváš liekkadii. Dál ii lean eará go suhkalit ruovttuguvlui, go moai gávnnaheimme ahte jus gáddái galggaš ollet maŋimuš coahkkun, de ean sáhte ájahallat menddo guhká. Moai sugai­ me rastá Njárggafávlli, muhto bisánasttiime Iŋgircoahkásii, gos moai bivddesteim­ me modde rutnoda vuoššanguollin. Dás, go fatnasis čohkkáime čovádahkan, oidnui dámpa dállimin guhkkeleabbos olgun vuonas. Oidnui dego livččii loktanan čázis. Dál moai suhkaleimme Áhkánsuolnuori ja birra Davvekluppu, Ikkaldasrávnnji guv­ lui. Dás ii lean nu guhkki finastit mohki vel Riskobogibávttis geahčasteamen ma­ niid. Sugadettiin gáddeguora áhčči ain huikkáda ja ráhtala áiruiguin tolljaid gask­ kas, baldindihtii hávddaid eret besiid alde. Finadanmohki Riskobogibávttis gávn­ naime vel moadde eanet hávdda, gáiro- ja skávhlimani. Áhčči dieđusge bagadii mu ja čilgii Riskobogi nama. Muitalii ahte dološolbmot leat dás giđđat njedjon riskkuid lassifuođarin omiide. Dál ii lean eará go suhkalit Beavkotfávlli badjel Ikkaldasgohppái. Ean sáhttán dál šat guhkit ájahallat amas ean cohkko Váđđalgárgui. Dán gárgos ledje jo ihtigoah­ tán stuorimus geađggit. Go dal olliime gárgo ala de moai čuvodeimme vihtaid stáf­ fui Skuŋkkarođu vuollái ja dreggejeimme fatnasa ullerádjái. Mearra lei jo dan mud­ dui cohkon ahte ean šat ollen jieŋkávlli rádjai. Moai fertiime maŋit ullin fas finastit mearragáttis ja rohttet fatnasa jieŋkávlli ala.