Sámis 33

Sámis 33/2021 3 SÁMIS Nr. 33 Geassemánnu 2021 I SSN 0809-7410 Sámi čálakultuvrralaš áigečála, man ČálliidLágádus almmuha Sámi fágagirjjálaš čálliid- ja jorgaleaddjiid- searvvi (SFS) ovddas. Dán nummira doaimmahus Harald Gaski John T. Solbakk Ruhtadeaddjit Norgga Sámediggi, ČálliidLágádus ja SFS. Sámis artihkkaliid ja govaid ii oaččo almmuheaddji, čálli dahje govvi­ deaddji lobi haga almmuhit. Gráfalaš bargu Studio Borga, Ohcejohka/Utsjoki Olggošgovva Govat: Harriss, Haakon Michael / Norsk Folkemuseum ja Harald Gaski Deaddilan Waasa Graphics Oy, Vaasa Sámis lea nuvttá. Dan sáhttá maiddá diŋgot almmuheaddji neahttagirjegávppi bokte. www.lagadus.org Sámis artihkkaliid sáhttá maiddái lohkat dás www.samifaga.org Dearvuođat doaimmahusas OKTA DAID SOMÁMUS beliin doaimmaheaddjibarggus lea álbmogii fállat ođđa čálliid. Dán nummiris leat máŋga dakkára geaid čállosiid ehpet leat ovdal oaidnán ja beassan lohkat Sámis magasiinnas. Mii leat rámis dainna go sámegiella geasuha dađis ođđa čálliid, sihke olbmuid geat ieža leat sápmelaččat ja earáid geat leat oahppan dahje oahpahallamin sámegiela. Sii leat buohkat hui buresboahtimat midjiide čállin. Seammá go min eadneorganisašuvdna, Sámi fágalaš girječálliid ja jorgaleaddjiid searvi (SFS), de Sámis bláđđi ge lea buohkaid várás geat čállet ja almmuhit sámegillii. Gielas eai leat etnihkalaš ráját, vaikko vel lea ge nana iešdovddu gaskaoapmi ja identitehta dovdomearka. Dán nummiris lohkat ovtta čállosis olbmo birra gii ieš ii leat sápmelaš muhto dattege dovdá hui garra čanastumi sámegillii, iige dušše dan, son lea dasa lassin válljen alcces sámegiel suopmana mii lea su váimmu lagamusas – juste dego mii ge šaddat bajás dan suopmanii man bearaš geavaha. Min mielas dákkár čállosiid lohkat addá doaivaga ja buori movtta sámegiela ovdáneapmái, seammá go nubbi eará artihkal ge dahká mii muitala mo gillii dađis šaddet ođđa hállit iešguđetlágan giellaealáskahttinprográmmaid bokte. Seammás dákkár čállosat loktejit miellagiddevaš gažaldaga sámáidahttinproseassaid hárrái. Ovdalaš áiggiid olbmot sámáiduvve go ohppe sámegiela, ásaiduvve sámi guovlluide ja barge sámi bargguid. Jearaldat lea mo integreren doaibmá dán áigái? DÁN NUMMIRIS MUĐUI loahpahat ráiddu sámi iešmearrideami birra. Das leamaš golbma čállosa ovddit Sámis bláđiin, ja min doaivva livččii maŋŋelis čohkket artihkkaliid gihpan vai lea daid álkit fáhtet. Dasa lassin mii fállat lohkkiide poesia geasselogusin – guokte sámi-amerihkálaš diktačálli jorgaluvvon sámegillii. BUORRE GEASSI BUOHKAIDE! John T. Solbakk Harald Gaski

RkJQdWJsaXNoZXIy NDI2ODk=