Sámis 33

Sámis 33/2021 23 D e lei áigi dan muttus miessemánus ahte ledje eanet lottit guoddi­ goahtán. Muhtun arragáirot ja skávhllit gal ledje jo guoddigoah­ tán cuoŋománu loahpas ja dan dáfus ledje jo muhtumat ligge­ goahtán maniideaset. Dál gal ledje eará ge lottit guottašan, nu go mat báis­ kit, čielkát ja cagánat. Min mánnávuođa ruoktu lei, nu go eará ge mearrasámidálut, viehka lahka mearragátti, muhto min dállu ii lean fal jur ullerájás nu go máŋgasis earáin. Dállu lei dakkár sajis vuotnagáttis gos lagašmearra ii oidnon. Min suhkan­ fanas lei fas cehkkejuvvon stáffui, mii lei Skuŋkkarođu nammasaš saji vuol­ de Ikkaldasgohpis. Dát láttat lei dakkár sajis gos sugadettiin fávlái lei guh­ kes cohkolat ovdal go fiervávuođu badjel ollii. Go meara ala galggai vuolgit, de ii sáhttán suhkalit vaikko goas. Mearra fertii lean dan muddui ahcán ah­ te govddui fiervvá badjel Ikkaldasrávdnjái. Danin lei min dálus álo ”albme­ náhkki” sadjosis, gos dal áhčči ain láve guovlladaddat ja iskat man mut­ tus mánnu lei ja dan olis mearredii lei go mearra ahcán dan muddui ahte govddui suhkalit fávlái. Muittut mearra­ ávkkástallamis Leavdnjavuonas HARTVIG BIRKELY