Sámis 32

48 Sámis 32/2020 Árvvoštallan jiehtanasaid eahketbealli SIRE GASKI. GOVAT: SUNNA KITTI Sunna Kitti lea ráhkadan sárggusráiddu, dahje dá- rogilli “tegneserieroman” ja eaŋgalasgilli nu gohčo­ duvvon “graphic novel”, Jiehtanasa iđit . Dát guhkes girji muitala mo manná go Issát vuolgá “don beal- lái davimus nástti”, go áiggošii gávdnat Ristena, gii jávkkai merrii muhtun jagi dan ovdal. Muitalus lea joatkka Anders Fjellnera eposis Beaivvi bártni soakŋomátki jiehtanasaid máilmmes. Sárggusráidu lea ráhkaduvvon čáhppes-vilges sárgumiin, ja orru viehka čielgasit inspirerejuvvon asiahtálaš manga -sárggusráidduin (gos manga lea sárggusráidduid namahus ja anime gis lea tegne- film ). Buorre lihkkus ii leat gal Kitti čuvvon sin árbe- vieru ahte lea sárgon govaid nu ahte galgá lohkat daid olgešbealis gurutbeallái. Issáha gal lea álki dovdat govain, muhto kánske dat lea maid danin go son lea measta áidna almmáiolmmoš stuorra oasis sárggusráiddus gii ii leat jiehtanas, de dat oidno jo sturrodagas ahte son dat lea. Ii leat seam- ma álki dovdat daid eará olbmuid geat leat oassin muitalusas, go sárgumat leat hui stiliserejuvvon. Lea stuorra bargu ráhkádit olles sárggus- ráiddu, ja lea measta suddu ahte manná nu johtilit lohkat dan go vuos diehtá man guhkes áigi manná ráhkadit olles girjji. Erenoamážit dakkár muitalu- sa, mii lea guoktečuohte siiddu guhkki. Jus mun galgat čállit dán árvoštallama seammá fárttain go maid navddán Kitti lea ráhkadan sárggusráiddu livčči várra almmuhuvvot Sámisii 2025as. Dan- ne lea ge máidnunveara ahte orru leat doalahan seammá sárgunvuogi olles barggu čađa, go dat dávjá lunddolaččat rievdá mađe eanet olmmoš sár- gu. Ja diet rievdadusat mat oidnojit orrot beanta lunddolačča muitalussii, nu ahte olmmoš sáhttá baicca imaštit manin son lea dahkan dakkár smáv­ va rievdadusaid ja mo dat lea oassin muitalusas. Okta oassi sárgumis masa mun duođaid lii­ kojin dán muitalusas, ja masa lean maid liikon ollu daid manga-sárggusráidduin maid lean lohkan lea vuohki mo geavaha sárgunruvttoid [njeallječie­ gadiid]. Eai leat nu mo eanáš áiggi lea mahkáš Vul- le Vuojaš -muitalusain, ahte lea sulli seamma stur­ rosaš govat juohke siiddus, njeallje ráiddu ja guok- te dahje golbma ruvtto juohke ráiddus. Dán girjjis sáhttá ovtta siiddus leat okta stuorra govva ja eará siiddus fas gávcci-ovcci ruvtto mat eai darbbaš

RkJQdWJsaXNoZXIy NDI2ODk=