Sámis 32

30 Sámis 32/2020 VAIKKO MÁILBMI JA kulturdoalut leamaš eanáš hui jaska dán jagi, de mus lei dakkár lihkku ahte lean beassan vásihit golbma sáme(gielat) lávdečájál­ masa. Ja lei lassin dat vel stuorát, ja viehka eahpe­ dábálaš!, lihkku ahte dat ledje golmma sámegil­ lii. Dat golbma bihtá ledje Giedtine – hvem eier vinden? Åarjelhsaemien teatere ja Nordland teateris, Biejvvelådde maid Timimie Märak rahkadii Márko­ meannu ovddas, ja Etniid Ulloliinnit maid OZAS, dahje Sara Marielle ja Risten Anine Gaup, lea ráhkadan. GEAVAHAN DÁHTUIN SÁNI lávdečájálmasa dan golmma ovdanbuktima birra, danin go ii šatta riekta gohčodit daid teahterbihttán. Leat maid dan mađe iešguđetláganat ahte dát teaksta ii šatta leat albma árvvoštallan, go dat livččii dego galgat mearridit lea go “Suga suga su” vuoi “Sámi soga lávlla” buoremus lávlla. Lihkkáge lea miella čállit buot golmma bihtá birra, danin go dat buohkat leat dakkárat maid in leat oaidnán sámegielat lávdebihtáin ovdal. II LEAT NU ártet ahte Giedtine lea dat mii lea eanemus dego árbevirolaš teahterbihttá, go lea ge áidna bihttá mii lea čádnon njuolgga teahterii. Dat lea oktasaš pro­ šeakta Nordland teater ja Åarjelhsaemien teatere gaskkas, ja vuosttasčájálmas lei Mosjøenis čakčamánu 25.b. Giedtine rámmamuitalus lea álbmotčoahkkin gos galget ságastallat bieggamilluid birra, muhto de fáhkka boahtá beakkán Helgelándda miššoneara ja Waren sardne-aviissa áŋgiris čálli, Edvard Masoni, ráfehuhttit čoahkkima. Sus lea fárus olles joavku Kiinná neavttárat, ja sii hálidit ovdanbuktit dovddus bihtá Krittringen, ja nu dat dahket. Krihttarieggás lea váldo­ muitalus guovtte nissona birra geat nággeba ahte gii lea áššái-gulli máná rivttes eadni. Krihttariekkis­ muitalus lea čállon jo 1300-jagiin, de das gal measta ferte leat lohpi muitalit mo manná loahpas: Duopmár mearrida ahte son gii veadjá máná vuos rohttet olggos krihttarieggás lea máná rivttes eadni. Muhto rivttes eadni ii gaikko, danin go ii hálit vahágahttit iežas má­ ná, ja dakko bokte čielgá ge ahte son dat lea rivttes eadni, ja de manná bures loahpas. JUS LEAT DÁL imašteamen ahte mo son dat heive oktii dan bieggamilloságastallamiin, de sáhtan jeđđet du ahte dan ii lean nu buorre áddet vaikko vel geahčai SIRE GASKI Golbma sámegielat lávdefulkkeža