Sámis 32
Sámis 32/2020 3 SÁMIS Nr. 32 Juovlamánnu 2020 I SSN 0809-7410 Sámi čálakultuvrralaš áigečála, man ČálliidLágádus almmuha Sámi fágagirjjálaš čálliid- ja jorgaleaddjiid- searvvi (SFS) ovddas. Dán nummira doaimmahus Harald Gaski John T. Solbakk Ruhtadeaddjit Norgga Sámediggi, ČálliidLágádus ja SFS. Sámis artihkkaliid ja govaid ii oaččo almmuheaddji, čálli dahje govvi deaddji lobi haga almmuhit. Gráfalaš bargu Studio Borga, Ohcejohka/Utsjoki Olggošgovva Lars Hætta giehta čála. Govven: Johanna J. Ijäs Deaddilan Waasa Graphics Oy, Vaasa Sámis lea nuvttá. Dan sáhttá maiddá diŋgot almmuheaddji neahttagirjegávppi bokte. www.lagadus.org Sámis artihkkaliid sáhttá maiddái lohkat dás www.samifaga.org Dearvuođat doaimmahusas ÁIGI LÁDDAN DASA ahte ođđa nummir Sámis áigečállagis fas ilbmá. Dán vuo- ro dušše davvisámegillii. Dát almmuheapmi gullá 2020 jahkegeardái, de 2021 galget plána mielde ilbmat guokte ođđa Sámis-bláđi. Doaimmahusas lea dasa lassin miella almmuhit sierra bláđi julev- ja máttasámegillii. Dan eat leat ov- dal dahkan, mis leamaš sierra nummirat goappá ge gillii, muhto doaivva ja geahččaleapmi livččii almmuhit oktasaš magasiinna julev- ja máttasámegil- lii. Dan áŋgiruššat oažžut áigái árra dálvvi. Dat šaddá lassin dasa maid Sáme- dikki doarjja gokčá, de doaimmahusa sávaldat livččii SFSas fidnet veaháš lasi ruhtadeami doarjun dihtii sámi čálakultuvrra máŋgga sámegillii. Mis lea miella dahkat ođđa čálliid oainnusin golmma sámegillii, de mađe dávjjit Sámis beas- sá ilbmat dađe buoret. Sámediggi lea ge viggamin skáhppot eanet oahppo neavvuid buot sámegielaide, de mii čuovvulat dan buori áigumuša Sámi áidna fágagirjjálaš ja populár-dieđalaš magasiinna hárrái ge. MIN GEAHČASTAT DÁN vuoro lea sámi iešmearrideapmái, sámegiela oahpa heapmái ja ovddeš čállosiid ođđasis almmuheapmái. Mis maiddá lea presen tašuvdna ja árvvoštallan sámi teahterbihtáin ja ođđa girjjálašvuođa šaŋŋeris – sárggosráidogirji mii lea movttidahttojuvvon dološ sámi Beaivvi bártni-eposis. Dan oktavuođas lea maid somá almmuhit oasi ođđa eposis mii lea álgovuorus vepsagillii čállojuvvon, muhto man min gielalaš fránskka ustit lea sámegillii jorgalan. Iežamet mielas mii gokčat áššiid oalle viidát viiddis sámi kultuvrra siskkobealde. Nu go jo gullá ge kultuvrralaš áigečállagii mas olles Sápmi lea guovddážis. John T. Solbakk Harald Gaski
RkJQdWJsaXNoZXIy NDI2ODk=