Sámis 31

12 Sámis 31/2020 Dán Sámis-nummiris leat moadde ášši main lea oktavuoh- ta Norgga beale duohtavuođakommišuvdnii, man eiseváld- dit leat ásahan. Sámis lea ožžon lobi deaddilit guokte reivve Juho-Sire girjjis Reivvet kommišuvdnii. Girji ilbmá dáid áig- giid. Girjji maŋŋesiidoteavttas mii čuohpastit oasáža Sire iežas čilgehusas man birra reivvet leat: ”... Mun čálán reivviid kommišuvdnii! Vaikko man galle reiv­ ve! Eandalii čálán eatnigielanalfabehtaid birra, go sii hui hárve fidnejit fuomášumi. Čálán áhččán birra, gii lei okta hárvenaš eatnigielanalfabehta guhte beasai eatnigielas oahp­ pat lohkat ja čállit. Čálán iežan birra, mo nagodin sámegiela oahppat ollesolmmožin, ja mo lea šaddat sámegiela gask­ kusteaddjin vaikko lean ge nubbegielat. Čálán nieidan birra, gii lea beassan guovttegielat sápmelažžan bajásšaddat. Seam­ más čálán maiddái buot daid eará áššiid birra mat čatnasit sá­ megillii ja -kultuvrii. Go jus galgat ain beassat leat dás, álbmo­ gin, de dárbbašat eambbo go giela ja kultuvrra. Reivviid fát­ tat geardduhuvvojit. Geahčadan min servodaga cuvkejuvvon speajalin, ja vikkan čilget maid oainnán juohke speajalbihtás.”