Sámis / Sámen 30

Sámis 30/2019 47 vilá sjuohkkanisáj ja gatnjalij loamen. Begatjip vilá ednama måjve sinna ja ep la vilá gullat oadtjum maŋemus buorissjivnnjádusájt. Ep la ájn sjaddam værddogisá gæhttjat dav stuorra herlukvuodav majt Hærrá le gárvedam gájkka jáhkulattjajda ...." Læstadius ij galggam vajálduhttet dav hæjos sáme nissunav Márijáv. Ja ælla ga sij vajáduhttám suv, sij gudi båhtin maŋen dan gåhttsåmin mij sjattaj Læstádiánalasj gåhttsåm. Gávnnu mujtomærkka Åselin mij le Márijákápella. Dat girkkusj le tsieggidum ållu láhka dan saje gånnå oabme girkko lij. Dat oabmegirkko gånnå Læstádius hålaj álttára åvdån jagen 1844, dat hålla man diehti Millá sidáj ságastit dájna girkkobáhpajn. Millá hávden ij gávnnu makkárik hávddemujtto. Ja ij la ga dat vuorddet. Hæjos ulmutja, etjin da nahkam mákset dakkár gålojt ma hávddemujto lidjin.